Oecusse, 04 dezembru 2025
Sua Exelénsia Ministra Edukasaun Dra. Dulce de Jesus Soares enserra treinamentu empreendedorizmu no feira ba hakbiit juventude rurál sira liuhusi treinamentu abilidade ba partisipasaun ekonómika iha Eskola Sekundária Téknika Vokasionál Palaban iha Rejiaun Administrativa Espesiál Oecusse Ambeno.
Hafoin enserra Sua Exelénsia Ministra Edukasaun Dra. Dulce de Jesus Soares hateten, Ministériu Edukasaun liuhusi kooperasaun ho Konsellu Británika ba ASEAN, UN Women halo formasaun STEP ka treinamentu ida kona-ba partsipasaun ekonómika ne'ebé fokus liu ba labarik feto sira husi ensinu sekundáriu Tékniku vokasionál no profesór sira hotu.
" Objetivu husi treinamentu ida-ne'e atu hanorin estudante sira ne'e hodi oinsá sira bele koñese literasia finanseira no dezenvolve empreendedorizmu nune'e aban bainrua remata sira-nia estudu, bele uza abilidade ida-ne'e hodi dezenvolve ekonomia ba sira-nia an", Dehan S.E. Ministra.
Governante ne'e esplika, simples tebe-tebes ohin estudante sira halo aprezentasaun kona-ba matéria ne'ebé durante ne'e sira aprende liu-liu kona-ba marketing, komunikasaun no produtu oin-oin no modernu tebes maka sira halo Sukaer sai ba saos.
Iha fatin hanesan, Reprezentante Konsellu Británika ba ASEAN UK SAGE Sra. Rebecca Hales argumenta, Projetu ida-ne'e hetan apoiu husi UK SAGE hodi promove labarik feto sira liu-liu iha nasaun ASEAN.
" Iha Timor-Leste ami agradese tebes tanba servisu di'ak ho Ministériu Edukasaun hodi implementa projetu ida-ne'e nomós bele hetan rezultadu balun liuhusi profesór sira-nia mudansa wainhira hanorin iha sala laran", Tenik Sra. Rabecca.
Enkuantu atividade treinamentu no feira empreendedorizmu ne'e hala'o durante loron rua husi loron 3 to 4 fulan dezembru no hetan partisipasaun husi estudante no profesór sira.
[Portu]
MINISTRA DA EDUCAÇÃO ENCERRA TREINO DE EMPREENDEDORISMO E FEIRA EM RAEOA
Oecusse, 4 de dezembro de 2025 — A Ministra da Educação, Dra. Dulce de Jesus Soares, encerrou hoje a formação em empreendedorismo e a feira destinada a fortalecer as competências económicas da juventude rural, realizadas na Escola Secundária Técnico-Profissional de Palaban, na Região Administrativa Especial de Oecusse Ambeno.
No seu discurso de encerramento, a Ministra destacou que o Ministério da Educação, em cooperação com o “British Council para a ASEAN” e a “UN Women”, tem vindo a implementar o programa STEP, uma iniciativa focada na participação económica, direcionada sobretudo às raparigas do ensino técnico-profissional e aos respetivos docentes.
“O objetivo desta formação é capacitar os estudantes, dotando-os de literacia financeira e competências de empreendedorismo, para que, quando concluírem os seus estudos, possam aplicar estes conhecimentos no desenvolvimento da sua própria economia”, afirmou a ministra.
A governante explicou ainda que os estudantes apresentaram diversos trabalhos relacionados com os conteúdos aprendidos, com destaque para marketing, comunicação e produção de produtos inovadores, tendo muitos deles transformado ingredientes simples em alimentos prontos para venda.
Por sua vez, a representante do British Council para a ASEAN/UK SAGE, Rebecca Hales, sublinhou que o projeto conta com o apoio do programa UK SAGE para promover o empoderamento das raparigas, especialmente nos países da ASEAN.
“Em Timor-Leste, estamos muito satisfeitos com o excelente trabalho desenvolvido em parceria com o Ministério da Educação. Já é possível observar resultados concretos, nomeadamente mudanças na prática pedagógica dos professores nas salas de aula”, destacou Hales.
A atividade que integrou formação e exposição de iniciativas empreendedoras — decorreu entre 3 e 4 de dezembro, reunindo a participação de estudantes e professores.
#MédiaME
