Ainaro, 10 Marsu 2016
Ministériu Edukasaun ne'ebé lidera husi Sua Exelénsia Ministra Edukasaun Dra.Dulce de Jesus Soares ho Sua Exelénsia Sekretária Estadu Ensinu Sekundária Jerál no Ensinu Sekundária Tekniku Vokasionál Sr. Domingos Lopes Lemos iha ona planu ba tinan 2026 sei konstrui Eskola lima (5) hodi hatán ba preukupasaun estudante no komunidade sira nian, bainhira akompaña vizita ofisiál Sua Exelénsia Primeiru-Ministru Kay Rala Xanana Gusmão iha Munisípiu Ainaro.
Iha intervensaun, Sua Exelénsia Ministra Edukasaun Dra.Dulce de Jesus Soares nian hodi hatán ba estudante no komunidade sira nia preukupasaun kona-ba kondisaun eskola sira hatete, iha tinan ida-ne'e (2026) Ministériu Edukasaun sei konstrui eskola lima iha Munisípiu Ainaro.
" Projetu ba konstrusaun eskola foun iha tinan 2026 mak hanesan Eskola Ensinu Báziku Filiál Ailora, Eskola Pre-Eskolár Lulin Postu Administrativu Hatudu, Ensinu Báziku Filiál Edi Maubessi, Ensinu Báziku Filiál Fatubesi, Postu Administrativu Maubessi no Ensinu Sekundária Jerál Fernando Lasama", Tenik Ministra.
Nune'e tuir dadus Ministériu Edukasaun estudante sira iha Munisípiu Ainaro kompostu husi Ensinu Pre-Eskolár hamutuk 2017, Ensinu Báziku 18.802, Ensinu Sekundária Jerál 2912 no Ensinu Sekundária Tekniku Vokasionál 496.
#EliasdaCosta
#MédiaME
