RAEOA, 14/06/2024
Sua Exelénsia Ministra Edukasaun Dra. Dulce de Jesus Soares ho Sua Exelénsia Embaxadora Boa Vontade ba Asuntu Edukasaun iha Timor-Leste Dra. Kirsty Sword Gusmão hamutuk ho Sekretária Rejionál Edukasaun no Asuntu Sosiál RAEOA Sra. Inácia Tamele no ekipa komivita husi Ministériu Edukasaun, hala’o vizita ba Ensinu Báziku Sentrál (EBC Sigla Portugés) Boboloa, iha Rejiaun Administrativa Espesiál Oe-cusse Ambeno (RAEOA).
Vizita ne’e foka liu ba prosesu estudante sira-nian iha parte Edukasaun Multi Lingue (EMULI).
Nune’e S.E. Embaxadora Boa Vontade ba Asuntu Edukasaun iha Timor-Leste Dra. Kirsty Sword Gusmão hateten, objetivu husi vizita ne’e atu mai haree implementasaun husi metodolojia hanorin uza labarik sira-nia lian dahuluk.
“Bainhira labarik sira aprende ho lian ne’ebé labarik sira hatene di’ak liu, maka lian ida ne’ebé iha ligasaun ho sira-nia kultura rasik, entaun sira sei aprende lais liu atu hatene lee ho lian Tetun no mós Portugés”. Tenik S.E. Embaxadora Boa Vontade
Enkuantu S.E. Emabaxadora Boa Vontade ba Asuntu Edukasaun iha Timor-Leste Dra. Kirsty Sword Gusmão mós enkoraja manorin sira iha nasaun tomak, se estudante sira hasoru difikuldade ho aprendizajen tanba kestaun lian, bele hato’o kestaun ne’e ba Ministériu Edukasaun, tanba komesa tinan 2026 iha mós planu atu espande programa ida ne’e ba munisípiu seluk.
Iha vizita ne’e Ministra S.E. Edukasaun Dra. Dulce de Jesus Soares ho S.E. Embaxadora Boa Vontade ba Asuntu Edukasaun iha Timor-Leste Dra. Kirsty Sword Gusmão hamutuk ho Sekretária Rejionál Edukasaun no Asuntu Sosiál RAEOA Sra. Inácia Tamele no ekipa komivita husi Ministériu Edukasaun, entrega mós livru lian Lokál, lian Tetun no Portugés hamutuk 348 ba EBC Boboloa, no distribui mós farda ba alunu sira ho totál 65 no ba manorin sira ho totál 11.
#JornalistaRino
#MédiaME
