Dili 19-07-2024
Exelénsia Ministru Edukasaun Interinu Sr. Domingos Lopes Lemos hala’o serimónia enseramentu Lingua Portugés ba formadór na’in lima nolu resin-tolu (53) ba Projetu Pró-Portugés iha salaun Ian-Martin INFORDEPE, Matadoru iha sesta-feira ne’e.
Iha diskursu Exelénsia Ministru Edukasaun Interinu Sr. Domingos Lopes Lemos dehan, objetivu husi semináriu ensramentu ba Projetu Pro-Portugés ne’e atu kontribui ba konsolidasaun sistema edukasaun iha Timor-Leste liuhusi apoiu ba setór formasaun profisionál hodi fortalese kompeténsia tékniku didátiku-pedagójika no lingua portugés komunikasaun liuhusi kursu formasaun ba formadór sira atu forma kualifikadu.
“Ha’u hakarak hato’o ba Formadór INFORDEPE nian, imi agora sai nu’udar Embaixadór ba lian portugés, lian ida ne’ebé liu fali meiu komunikasaun nian ne’e nu’udar veíkulu kultura, istória no identidade nian. Ita-boot sira iha responsabilidade no priviléjiu atu uza koñesimentu ne’e la’ós atu hanorin de’it, maibé atu inspira, lidera no forma futuru Timor-Leste nian”, hateten Exelénsia Ministru Edukasaun Interinu Sr. Domingos Lopes Lemos
Projetu Pro-Portugés ne’e Ministeriu Edukasaun estabelese hamutuk ho Institutu Camões, atu kria komunikasaun ba profesór sira, sai nu'udar pilár ida-ne'ebé harii sosiedade informadu, hodi konvida lian Portugés ba estudante sira.
#jornalistamario
#MédiaME
