Díli – Loron, Sexta-Feira, 13 Dezembru 2024
Sua Exelénsia Ministra Edukasaun Dra. Dulce de Jesus Soares hamutuk ho Koordenadór Unidade Kurríkulu no akompaña husi Asesora Boavontade ba Asuntu Edukasaun, Dra. Kirsty Sword Gusmão, hodi aprezenta rezultadu Ezame Nasionál Tinan Letivu 2024 ba Sua Exelénsia Primeiru Ministru Kay Rala Xanana Gusmão, iha Palásiu Governu.
Iha entrevista, Sua Exelénsia Ministra Edukasaun Dra. Dulce de Jesus Soares, hateten, haksolok tebes, tanba hetan apresiasaun di’ak husi Sua Exelénsia Primeiru Ministru, ne’ebé mak prosesu aprendizajen tinan ida ne’e, iha mudansa signifikativu husi parte profesór sira no mós estudante sira, hodi fó esperansa ba Ministériu Edukasaun, katak intervensaun ne’ebé mak halo fó duni rezultadu ne’ebé mak di’ak.
“Sua Exelénsia Primeiru Ministru fó apresiasaun bo’ot ba servisu Ministériu Edukasaun nian, maibé husu ami atu servisu maka’as liután hodi hadi’a parte sira ne’ebé mak iha, liuliu halo análiza ba dadus husi valór estudante sira nian, nune’e bele haree iha tinan tuir mai, formasaun saida mak presiza fó tán ba profesór sira no mós kona-ba jestaun eskolár sira, atu bele kontinua hadi’a prosesu aprendizajen iha Timor-Leste”, dehan S.E. Ministra Edukasaun.
#MédiaME
#JornalistaLuis
