Díli, 05/12/2024 - Sua Exelénsia Ministru Edukasaun Interinu Sr. Domingos Lopes Lemos abertura Serimónia Nasionál Ensinu Sekundáriu Tékniku Vokasionál ba Diretór, Superintendente no Inspetór Eskola Ensinu Sekundáriu Tékniku Vokasionál no sentru formasaun agríkola sira ho tema " fortalesimentu Edukasaun Tékniku Vokasionál ba iha Dezenvolvimentu sustentável iha Timor-Leste", iha Salaun Ian Martin INFORDEPE, Kinta-feira ne’e.
Iha diskursu Sua Exelénsia Ministru Edukasaun Interinu Sr. Domingos Lopes Lemos hateten, momentu krusiál ida iha istória Edukasaun nian iha Timor-Leste, no IX Governu Konstitusional estabelese meta sira ne’ebé klaru no ambisiozu atu hadi’a Ensinu Sekundáriu, liuliu iha área Téknika Vokasional. kompromisu mak atu kria sistema edukativu ida ne’ebé inkluzivu no ho kualidade.
"Atu atinji meta hirak ne’e, iha tinan 2024, Diresaun Jerál no Diresaun Nasionál Ensinu Sekundáriu Tékniku-Vokasionál (ESTV) servisu maka’as hodi kria baze Dadus Kuadru Pesoál ESTV ne’ebé reflete realidade iha terrenu. Esforsu ida-ne’e esensiál atu identifika nesesidade sira no hametin ita-nia Profesór no eskola sira-nia kapasidade", dehan Governante ne'e.
Governante ne’e hatutan, Ba OJE 2025, esforsu signifikativu sei halo atu aumenta númeru estudante sira ne'ebé matríkula Ensinu Sekundáriu, rekualifika Profesór sira no loke konkursu nasionál ba Profesór sira.
"Ha’u agradese ba ema hotu-hotu ne’ebé tuir ona Semináriu Nasionál ida-ne’e no ha’u konta ho ema hotu-hotu nia kolaborasaun no suporta atu nune’e ita bele hamutuk, harii futuru ida ne’ebé di'ak ba Timor-Leste. Ami sei kontinua serbisu ho dedikasaun, kriatividade no responsável, hametin Ensinu Tékniku Vokasionál no prepara ami-nia foin-sa’e sira ba aban-bainrua ne’ebé di’ak liu", dehan Sua Exelénsia Ministru Edukasaun Interinu.
#MédiaME
