Bobonaro, 09/12/2024
Sua Exelénsia Ministru Edukasaun Interinu Sr. Domingos Lopes Lemos, halo abertura formasaun ba Profesór/a Bolsa Kandidatu Ensinu Báziku iha sentru formasaun Rairobo iha Postu Administrativo Atabae, Munisípiu Bobonaro Segunda-feira ne’e.
Iha intervensaun Sua Exelénsia Ministru Edukasaun Interinu hateten, formasaun ida ne’e hanesan preparasaun ida ba Profesór/a sira hodi bele hetan matéria sira husi formadór sira nune’e bele implementa iha terenu hanesan manorin-na’in.
"lori Ministériu Edukasaun nia naran husu ba Profesór sira liuhusi formasaun ida ne’e bele loke imi nia hanoin, atu tau imi nia-an hanesan manorin-na’in ida ne'ebé di'ak iha momentu saida de'it, atu hatudu dalan ba ita-nia oan sira", dehan Governante ne'e.
Governante ne’e hateten tan katak, formasaun ida ne’e ho objetivu atu promove abilidade pedagójika no metodolójika ne'ebé nesesáriu atu promove Ensinu ho kuliadade, aleinde atu enkoraja Profesór/a sira nia atitude iha klase laran, kualidade Profesór/a ne'ebé di'ak hodi eduka aluno sira.
Hafoin abertura formasaun ba Profesór/a sira Sua Exelénsia hala'o vizita mós ba eskola Sekundáriu Jerál Paralelo Dom Samara Balibo five iha Postu Administrativu Balibo, Munisípiu Bobonaro.
#MédiaME
#JornalistaRita
