Formasaun ne’e hahú iha loron 18 to'o loron 20 Marsu 2025. Abertura ba formasaun LL3 ne’e prezide husi S.E. Sekretária Rejional Asuntu Edukasaun no Solidadridade Sosial, Sra. Inacia Tamele, Prezidente INFORDEPE, Sr. Domingos Martins, nomos Diretor Regional Servisu Edukasaun RAEOA, Sr. Vincêncio Cono.
Partisipasaun iha formasaun ne’e ho total 113 lider eskola sira, kompostu husi Superintendente, Inspetor, dirtor EBC, adjuntu diretor, koordenador EBF sira nomos Manorin Feto Potensial sira ne’ebé reprezenta kada agrupamentu EBC sira.
Formasaun ne’e foku barak liu kona-ba Lideransa Instrusionál, Literasia Edukasaun Inkluzivu, prosesu avaliasaun, nomos informasaun kona-ba Metodolojia Programa EMULI. Iha formasaun ne’e enfaze tebes kona-ba tékniku pedagójiku atu nune’e lideransa eskola sira iha koñesimentu ne’ebé forte ligadu ho téknika pedagójika.
Formasaun LL3 ne'e ho nia tema mak "LIDERANSA INSTRUSIONÁL laos kona-ba...hadi'a manorin sira, maibe ne'e kona-ba...kria kondisaun sira ne'ebé atu manorin sira bele hadi'a sira-nia an."
