𝙈𝙄𝙉𝙄𝙎𝙏É𝙍𝙄𝙐 𝙀𝘿𝙐𝙆𝘼𝙎𝘼𝙐𝙉 𝙍𝙀𝘼𝙇𝙄𝙕𝘼 𝙄𝙎Á𝙍 𝘽𝘼𝙉𝘿𝙀𝙄𝙍𝘼 𝘽𝘼 𝙎𝙀𝙈𝘼𝙉𝘼 𝘿𝘼𝙃𝙐𝙇𝙐𝙆 𝙁𝙐𝙇𝘼𝙉 𝘼𝘽𝙍𝙄𝙇 𝙉𝙄𝘼𝙉

Dili, 07 Abril 2025
Sua exelénsia Ministra Edukasaun Dra. Dulce de Jesus Soares sai inspetora ba serimonia isár bandeira Nasionál ba semana dahuluk fulan Abril nian iha resintu Ministériu Edukasaun Vila-Verde, segunda-feira ne’e.

Iha diskursu, Sua exelénsia Ministra Edukasaun Dra. Dulce de Jesus Soares hateten, ohin, loron dahuluk ba ezame primeiru trimestre tan ne’e husu ba inspesaun jerál atu fó informasaun ba inspetór eskolar sira hotu atu bele halo monitorizasaun ba iha exame ne’e.

“Funsionáriu ne’ebé iha papél atu ba halo monitorizasaun ba prosesu aprendizajen, maka minimu tenki hakbesik-an ba kurrikulu no INFORDEPE atu fó lista ruma hodi nune’e pesóal funsionáriu ne’e hatene didi’ak ninia funsaun”, Tenik S.E. Ministra

Governante ne’e argumenta, funsionáriu hotu iha konsiénsia atu halo servisu tuir koñesimentu no kontinua ba oin atu aprende nafatin tanba servisu iha ministériu edukasaun maka ema hotu-hotu tenki komprende servisu no kna’ar ne’ebé funsionáriu ne’e iha.

Enkuantu iha serimonia isár bandeira ne’e, koru responsavél husi Diresaun Jerál Administrasaun no Finansas no hetan partisipasaun masimu husi dirijente no funsionáriu tomak ministériu edukasaun nian.

#MédiaME