𝙐𝙉𝙁𝙋𝘼 𝙉𝙊 𝙈𝙄𝙉𝙄𝙎𝙏É𝙍𝙄𝙐 𝙀𝘿𝙐𝙆𝘼𝙎𝘼𝙐𝙉 𝙍𝙀𝘼𝙁𝙄𝙍𝙈𝘼 𝙋𝘼𝙍𝙎𝙀𝙍𝙄𝘼 𝘼𝙏𝙐 𝙃𝘼𝙈𝙀𝙏𝙄𝙉 𝙀𝘿𝙐𝙆𝘼𝙎𝘼𝙐𝙉 𝙎𝙀𝙆𝙎𝙐𝘼𝙇𝙄𝘿𝘼𝘿𝙀 𝙄𝙃𝘼 𝙏𝙄𝙈𝙊𝙍-𝙇𝙀𝙎𝙏𝙀

Dili, Kinta-Feira, 08 Maiu 2025 – Reprezentante UNFPA iha Timor-Leste, Sra. Navchaa Suren, hamutuk ho ekipa, hasoru malu ho Sua Exelénsia Ministra Edukasaun, Dra. Dulce de Jesus Soares, ho objetivu atu reafirma kompromisu UNFPA ba kooperasaun kontinua ho Ministériu Edukasaun atu hametin edukasaun seksualidade iha Timor-Leste.

Enkontru ne’e fó oportunidade ba UNFPA no Ministériu kontinua servisu hamutuk hodi garante katak, adolexente no jovem sira simu edukasaun seksualidade ne’ebé loos, sientífika, sensível ba kultura no apropriadu ba sira-nia idade. Edukasaun ne’e importante tebes atu fó kbiit ba feto no mane joven sira, atu halo desizaun sira ne’ebé informadu kona-ba sira-nia saúde seksuál, reprodutiva, no mós futuru di'ak.

UNFPA sei kontinua fó apoiu ba Ministériu Edukasaun iha utilizasaun dadus no evidénsia sientífika sira atu ajuda iha planeamentu no alokasaun orsamentu ba setór edukasaun nian, hodi garante servisu no programa sira ne’ebé efetivu no sustentável.

#MédiaME