Formasaun Introdusaun Aprendizajen ba Sékulu 21 no LL3 ne’e hala’o durante loron 4 entre loron 7-10 fulan Maiu 2025 iha salaun Administrasaun Autoridade Munisipál- Ermera.
Totál partisipante hamutuk 197, kompostu husi Diretor Edukasaun, Superintendente, Inspetór eskolár, Koordenador INFORDEPE ERMERA, Diretór EBC, Adjuntu diretór, koordenadór EBF, manorin Feto Potensiál, Mentór Lokál, no Mentór Munisipál.
Formasaun foka ba área importante hanesan Lideransa Instrusionál, Literasia no Edukasaun Inkluzivu, téknika avaliasaun. Atensaun espesiál fó ba aspetu pedagójiku atu reforsa lideransa eskola sira ho kapasidade teknika ne’ebé fó susesu ba prosesu ensinu-aprendizajen.
Formasaun LL3 nia lema mak: “LIDERANSA INSTRUSIONÁL la’os deit atu hadi’a manorin sira, maibé atu kria kondisaun sira ne’ebé fó oportunidade ba manorin atu bele hadi’a sira-nia an.”
𝙋𝙧𝙤𝙟𝙚𝙩𝙪 𝘽𝙖𝙨𝙞𝙘 𝙀𝙙𝙪𝙘𝙖𝙩𝙞𝙤𝙣 𝙎𝙩𝙧𝙚𝙣𝙜𝙩𝙝𝙚𝙣𝙞𝙣𝙜 𝙖𝙣𝙙 𝙏𝙧𝙖𝙣𝙨𝙛𝙤𝙧𝙢𝙖𝙩𝙞𝙤𝙣 (𝘽𝙀𝙎𝙏) 𝙣𝙚’𝙚𝙗é 𝙛𝙞𝙣𝙖𝙣𝙨𝙞𝙖𝙙𝙤 𝙝𝙪𝙨𝙞 𝙂𝙡𝙤𝙗𝙖𝙡 𝙋𝙖𝙧𝙩𝙣𝙚𝙧𝙨𝙝𝙞𝙥 𝙛𝙤𝙧 𝙀𝙙𝙪𝙘𝙖𝙩𝙞𝙤𝙣 (𝙂𝙋𝙀) 𝙡𝙞𝙪 𝙝𝙤𝙨𝙞 𝙒𝙤𝙧𝙡𝙙 𝘽𝙖𝙣𝙠 𝙞𝙝𝙖 𝙏𝙞𝙢𝙤𝙧-𝙇𝙚𝙨𝙩𝙚 𝙥𝙖𝙧𝙩𝙞𝙨𝙞𝙥𝙖 𝙞𝙝𝙖 𝙇𝙤𝙧𝙤𝙣 𝙈𝙪𝙣𝙙𝙞á𝙡 𝙇𝙞𝙫𝙧𝙤 𝙣𝙤 𝙡𝙖𝙣𝙨𝙖𝙢𝙚𝙣𝙩𝙪 𝙗𝙖 𝙙𝙞𝙨𝙩𝙧𝙞𝙗𝙪𝙞𝙨𝙖𝙪𝙣 𝙡𝙞𝙫𝙧𝙪 𝙚𝙙𝙪𝙠𝙖𝙩𝙞𝙫𝙪 𝙗𝙖 𝙚𝙨𝙩𝙪𝙙𝙖𝙣𝙩𝙚 𝙨𝙞𝙧𝙖 𝙞𝙝𝙖 𝙨𝙞𝙠𝙡𝙪 1 𝙣𝙤 2.
Atividade ne'e parte husi projetu BEST ho objetivu atu fó asesu ba livru no kapasita manorin sira iha formasaun kontinua.
S.E. Sra. Dulce de Jesus Soares, Ministra Edukasaun, lee hamutuk ho estudante sira iha EBF Beedan, Manatuto, no haree dezeñu kreativu sira nian—atu inspira kultura le’e no kreatividade husi idade ne’ebé sedu.
Lansamentu simboliku ba distribuisaun livru hala’o husi S.E. Ministra ho partisipasaun Sr. Bernard Harborne (Banku Mundiál), Sr. Francisco de Carvalho (Koordenadór EBF Beedan), no manorin sira, marka momentu boot ba fortalese materiál ensinu ba eskola primária. Partisipa mos iha eventu ne’e Sr. Alexandre RB Sarmento nu’udar Project Manager ba BEST.
Fundus GPE liu hosi Projetu BEST imprimi ona livros ba estudante iha siklu 1 no 2 hamutuk 740,000 liu no identifika ona eskola liu rihun ida hanesan benefisiariu ba livru sira ne’e. Tipo livru sira ne’e kompostu husi Planu Lisaun, Livru ba Estudante no Livru ba Cantinho da Leitura. BEST mos finansia empakotamentu ba livru no distribuisaun livru ba eskola alvu sira iha Munisipiu hotu iha territóriu nasional inklui RAEOA.
Atividade remata ho merenda komunál, ho sentimentu boot ba esperansa no kompromisu atu kontinua hadia edukasaun iha Timor-Leste.
