Ermera, 12-05-2025, Sua Exelénsia Sekretáriu Estadu ESJ-ESTV Sr. Domingos Lopes Lemos akompaña ho Xefe Gabinete Sekretáriu Estadu ESJ-ESTV Sr. Napoleão do Santos Lima no Koordenadór Protokolu Sr. Olandinho Godinho Siqueira hala'o abertura ba programa Ensinu Pré-Eskolár iha salaun CNE Munisípiu Ermera Segunda-Feira ne'e.

Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, Pré-Eskolár ne'e importante tebes ba estudante ki'ikoan sira ne'ebé mak seidauk koñese numerasia no literasia, Tanba dalabarak ita ko'alia labarik Pré-Eskolár sira bainhira ba eskola ne'e hatene mak kanta basa liman hotu fila ba uma.

"Tanbá ne'e programa intensivu ne'e importante ba labarik sira hahú tinan tolu (3) ba lima (5) tenke ba iha Pré-Eskolár maske sira basa liman maibé ita forma ona mentalidade labarik sira prontu ona ba iha ensinu báziku"

Governante ne'e husu ba autoridade lokál Munisípiu Ermera apoiu ba programa intensivu ne'e importante tebes hodi estabelese ba alin ki'ikoan ne'ebé mak seidauk koñese literasia ho numerasia ne'e atu nune’e hatoman-an ona ba iha ensinu báziku sira adapta no koñese hodi nune’e garante kualidade Pré-Eskolár ba futuru ho di'ak.

#MediaME