𝙎𝙀𝙆𝙍𝙀𝙏Á𝙍𝙄𝙐 𝙀𝙎𝙏𝘼𝘿𝙐 𝙀𝙎𝙅-𝙀𝙎𝙏𝙑 𝙃𝘼𝙇𝘼'𝙊 𝙎𝙀𝙍𝙄𝙈Ó𝙉𝙄𝘼 𝘼𝘽𝙀𝙍𝙏𝙐𝙍𝘼 𝙁𝙊𝙍𝙈𝘼𝙎𝘼𝙐𝙉 𝙀𝙎𝙋𝙀𝙎𝙄𝘼𝙇𝙄𝙕𝘼𝘿𝘼 𝘽𝘼 𝘿𝙄𝙍𝙄𝙅𝙀𝙉𝙏𝙀 𝙀𝙎𝙆𝙊𝙇𝘼𝙍 𝙁𝙊𝙐𝙉 𝙎𝙄𝙍𝘼

Ermera 24-03-2025, Sua Exelénsia Sekretáriu Estadu ESJ-ESTV Sr. Domingos Lopes Lemos hamutuk ho dirijente Ministériu Edukasaun hala'o Serimónia abertura formasaun espesializada ba dirijente eskolár foun sira. iha Salaun Administrasaun Munisípiu Ermera Segunda-Feira ne'e.

Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, ho ksolok boot ohin Ministériu Edukasaun partisipa iha serimónia abertura formasaun espesializada ba dirijente eskolár foun sira, hodi hametin kualidade no jestaun Edukasaun iha Munisípiu Ermera, hahú programa ida ho partisipasaun husi dirijente eskolár hamutuk 193, ne'ebé reprezenta nível eskolár hotu-hotu. Ensinu Pré-Eskolár, Ensinu Báziku, Ensinu Sekundáriu Jerál no Ensinu Sekundáriu Tékniku-Vokasionál sira ho partisipasun boot hodi reflete kompromisu no dedikasaun ba dezenvolvimentu Edukasaun iha ita-nia rain.

"Tanba ne'e Edukasaun mak fundasaun ne'ebé harii nasaun nia futuru, no dirijente eskola sira hala'o papel esensiál iha prosesu ida-ne'e hodi asume responsabilidade atu lidera eskola iha Munisípiu Ermera, no priviléjiu ka dezafiu boot atu transforma estudante sira liuhosi Edukasaun.

Governante ne'e hatutan-tan formasaun espesializada ida-ne'e liu fali oportunidade aprendizajen ida hodi halo mudansa, ba inovasaun no jestaun ne'ebé dí'ak liu iha ita-nia eskola sira. Tanba ne'e Ministériu Edukasaun dezeju ba ema hotu Edukasaun ida ne'ebé produtivu no transformador, hodi nune’e imi ida-idak fila fali ba eskola sira ho espíritu neʼebé foun no instrumentu prátiku sira atu lidera ho matenek no aten-barani.

Hafoin remata tiha Serimónia abertura ne'e Sua Exelénsia Sekretáriu Estadu ESJ-ESTV Sr. Domingos Lopes Lemos hamtuk ho ekipa hala'o vizita kortezia ba eskola EBC 10 de Abríl eskola EBC Fatuquero no eskola Kafé Fatuquero hodi haree direta prosesu aprendizajen iha eskola.

#MédiaME