Estudante sira husi eskola Ensinu Báziku, Ensinu sekundáriu Jeral no Téknika Vokasional iha Díli, partisipa iha kompetisaun Atletizmu no Jinástika ne’ebé organiza husi Ministériu Edukasaun kolabora ho Federasaun Atletizmu Timor-Leste, iha Kampu Ministériu Juventude Desportu Arte no Kultura (MJDAC) iha loron 16 fulan Maiu 2025.
Objetivu kompetisaun ne’e mak prátika Jinástika lor-loron hodi Promove Talentu Estudante, Hasa’e Espíritu Desportu, Isin Saudavél no Matenek.
Iha eventu ne'e, Diretór Jerál Ensinu Sekundáriu (DGES) Sr. Deolindo da Cruz, hateten “Desportu importante iha edukasaun, tanba bele muda mentatilidade, fó konfiansa no motiva estudante sira atu hetan susesu iha Futuru".
Iha sorin seluk, estudante feto ida, Felismina de Oliveira Cabral, husi ESG 4 de Setembro ne’ebé manan nain ba 2° Lugar iha Jinástika hatete, sente orgullu tanba hetan oportunidade hodi reprezenta eskola.
“Husu ba Ministériu Edukasaun atu kontinua investe iha eskola tanba desportu bele aumenta estudante sira nia kapasidade iha parte edukasaun fíziku”, Dehan estudante.
𝐄𝐧𝐤𝐮𝐚𝐧𝐭𝐮, 𝐌𝐚𝐧á𝐧 𝐍𝐚'𝐢𝐧 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐉𝐢𝐧á𝐬𝐭𝐢𝐤𝐚:
1° Lugar ESG 12 de Novembro Becora, prémiu ho montante 500.00 U$
2° Lugar ESG 4 de Setembro Balide, prémiu ho montante 400.00 U$
3° Lugar ESG Finantil Comoro, prémiu ho montante 350.00 U$
4° Lugar ESTV Comercio Becora, prémiu ho montante 300.00 U$
5° Lugar ESTV-EHT Becora, prémiu ho montante 200.00 U$
𝐌𝐚𝐧𝐚𝐧 𝐍𝐚𝐢𝐧 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐀𝐭𝐥𝐞𝐭𝐢𝐳𝐦𝐮 𝐌𝐚𝐧𝐞:
1° Lugar EBC Bidau-Akadiru hun, prémiu ho montante 300.00 U$
2° Lugar EBC Farol, prémiu ho montante 200.00 U$
3° Lugar EBC Esperança da Pátria Becora, prémiu ho montante 200.00 U$
4° Lugar husi EBC Farol, prémiu ho montante 150.00 U$
5° Lugar EBC 30 de Agosto Comoro, prémiu ho montante 100.00 U$
𝐌𝐚𝐧𝐚𝐧 𝐍𝐚𝐢𝐧 𝐛𝐚 𝐊𝐨𝐦𝐩𝐞𝐭𝐢𝐬𝐚𝐮𝐧 𝐉𝐢𝐧á𝐬𝐭𝐢𝐤𝐚 𝐅𝐞𝐭𝐨:
1° Lugar EBC 10 de Dezembro Comoro, prémiu ho montante 300.00 U$
2° Lugar EBC Esperança da Pátria Becora, prémiu ho montante 250.00 U$
3° Lugar EBC 10 de Dezembro Comoro, prémiu ho montante 200.00 U$
4° Lugar EBC Esperança da Pátria Becora, prémiu ho montante 150.00 U$
5° Lugar EBC 30 de Agosto Comoro, prémiu ho montante 100.00 U$
Atividade ida-ne’e fó oportunidade ba estudante sira, la’os de’it hadia moris fízika, maibé fó mós motivasaun ba ekipa no solidariedade entre kolega sira.
#MédiaME
