𝐃í𝐥𝐢, 𝟏𝟕-𝟏𝟖 𝐣𝐮ñ𝐮 𝟐𝟎𝟐𝟓 𝐈𝐧𝐬𝐭𝐢𝐭𝐮𝐭𝐨 𝐍𝐚𝐜𝐢𝐨𝐧𝐚𝐥 𝐝𝐞 𝐅𝐨𝐫𝐦𝐚çã𝐨 𝐝𝐞 𝐃𝐨𝐜𝐞𝐧𝐭𝐞𝐬 𝐞 𝐏𝐫𝐨𝐟𝐢𝐬𝐬𝐢𝐨𝐧𝐚𝐢𝐬 𝐝𝐚 𝐄𝐝𝐮𝐜𝐚çã𝐨 (𝐈𝐍𝐅𝐎𝐑𝐃𝐄𝐏𝐄) 𝐥𝐢𝐮𝐡𝐮𝐬𝐢 𝐏𝐫𝐞𝐳𝐢𝐝𝐞𝐧𝐭𝐞 𝐈𝐍𝐅𝐎𝐑𝐃𝐄𝐏𝐄 𝐒𝐫. 𝐃𝐨𝐦𝐢𝐧𝐠𝐨𝐬 𝐌𝐚𝐫𝐭𝐢𝐧𝐬 𝐡𝐨 𝐃𝐢𝐫𝐞𝐭𝐨𝐫𝐚 𝐉𝐞𝐫á𝐥 𝐏𝐥𝐚𝐧𝐮 𝐏𝐨𝐥í𝐭𝐢𝐤𝐚 𝐈𝐧𝐤𝐥𝐮𝐳𝐚𝐮𝐧 𝐧𝐨 𝐢𝐧𝐟𝐨𝐫𝐦á𝐭𝐢𝐤𝐚, 𝐒𝐫𝐚. 𝐎𝐝í𝐥𝐢𝐚 𝐝𝐚𝐬 𝐃𝐨𝐫𝐞𝐬 𝐔𝐧𝐠 𝐌𝐚𝐫𝐭𝐢𝐧𝐬 𝐧𝐨 𝐃𝐢𝐫𝐞𝐭ó𝐫 𝐉𝐞𝐫á𝐥 𝐄𝐧𝐬𝐢𝐧𝐮 𝐒𝐞𝐤𝐮𝐧𝐝á𝐫𝐢𝐮 𝐒𝐫. 𝐃𝐞𝐨𝐥𝐢𝐧𝐝𝐨 𝐝𝐚 𝐂𝐫𝐮𝐳 𝐡𝐚𝐦𝐮𝐭𝐮𝐤 𝐡𝐨 𝐩𝐚𝐫𝐬𝐞𝐫𝐢𝐚 𝐬𝐢𝐫𝐚 𝐝𝐞𝐬𝐤𝐮𝐭𝐞 𝐤𝐨𝐧𝐚-𝐛𝐚 𝐩𝐥𝐚𝐧𝐮 𝐞𝐬𝐭𝐫𝐚𝐭é𝐣𝐢𝐤𝐮 𝐈𝐍𝐅𝐎𝐑𝐃𝐄𝐏𝐄 𝐧𝐢𝐚𝐧 𝐛𝐚 𝐭𝐢𝐧𝐚𝐧 𝐥𝐢𝐦𝐚 𝐢𝐡𝐚 𝐒𝐚𝐥𝐚𝐮𝐧 𝐃𝐞𝐥𝐭𝐚-𝐍𝐨𝐯𝐚.

Iha diskusaun ne'e Prezidente INFORDEPE, Sr. Domingos Martins informa, Sorumutu ida-ne'e hodi konsulta kona-ba planu estratéjiku INFORDEPE nian ne’ebé hala'o ona, no ohin kontinua nafatin atu nunee fó opiniaun no Feedback husi partisipante sira. Liuliu Diretór Jerál, diretór Nasionál, Diretór Postu, Koordenadór Formasaun, Xefe Departamentu Ensinu husi Munisípiu sira hotu nomós Parseria Sira.

Atividade ohin hanesan sorumutu ida ne’ebé mak atu konsulta kona-ba planu estratéjiku INFORDEPE nian ne’ebé hala’o tiha iha loron 11 no 13 fulan fevereiru tinan 2025, no ohin ne'e kontinuasaun atu fó nafatin opiniaun no feedback husi partisipante sira atu nune'e halo melloramentu di’ak liután diskusaun formasaun INFORDEPE ninian, ho nune'e atividade ohin nia alvu prinsipál mak atu esplora tán ideia balun kona-ba oinsá mak halo planu estratéjiku INFORDEPE nian ba tinan 2026 to 2030”, dehan Prezidente INFORDEPE.

Prezidente INFORDEPE esplika planu ne’ebé mak koresponde no aliñamentu ho planu estratéjiku Ministériu Edukasaun nian, ho nune’e INFORDEPE mós la sees husi planu Ministériu Edukasaun nian tanba ne'e hakarak armoniza no aliñamentu planu estratéjia Ministeriu Edukasaun nian no kabe ba Formasaun Profesór sira-nian.

Iha atividade ne'e partisipa diretamente husi Prezidente INFORDEPE Sr. Domingos Martins, Diretora Jerál Planu Polítika Inkluzaun no informátika, Sra. Odilia das Dores Ung Martins, Diretór Jerál Ensinu Sekundáriu Sr. Deolindo da Cruz no parseria sira.

#JornalistaElias
#MÉDIAME