𝐁𝐚𝐮𝐜𝐚𝐮, 𝟐𝟏 𝐉𝐮𝐥𝐥𝐮 𝟐𝟎𝟐𝟓 – 𝐒𝐮𝐚 𝐄𝐱𝐞𝐥é𝐧𝐬𝐢𝐚 𝐌𝐢𝐧𝐢𝐬𝐭𝐫𝐚 𝐄𝐝𝐮𝐤𝐚𝐬𝐚𝐮𝐧, 𝐃𝐫𝐚. 𝐃𝐮𝐥𝐜𝐞 𝐝𝐞 𝐉𝐞𝐬𝐮𝐬 𝐒𝐨𝐚𝐫𝐞𝐬, 𝐥𝐚𝐧𝐬𝐚 𝐨𝐟𝐢𝐬𝐢𝐚𝐥𝐦𝐞𝐧𝐭𝐞 𝐒𝐚𝐥𝐚 𝐒𝐚ú𝐝𝐞 𝐄𝐬𝐤𝐨𝐥á𝐫 𝐢𝐡𝐚 𝐄𝐬𝐤𝐨𝐥𝐚 𝐄𝐧𝐬𝐢𝐧𝐮 𝐁á𝐳𝐢𝐤𝐮 𝐒𝐞𝐧𝐭𝐫á𝐥 (𝐄𝐁𝐂) 𝐁𝐢𝐧𝐚𝐠𝐚𝐫𝐢 𝐕𝐞𝐦𝐚𝐬𝐬𝐞, 𝐡𝐚𝐧𝐞𝐬𝐚𝐧 𝐩𝐚𝐫𝐭𝐞 𝐡𝐮𝐬𝐢 𝐩𝐫𝐨𝐠𝐫𝐚𝐦𝐚 𝐒𝐚ú𝐝𝐞 𝐄𝐬𝐤𝐨𝐥á𝐫 𝐧𝐞’𝐞𝐛é 𝐢𝐦𝐩𝐥𝐞𝐦𝐞𝐧𝐭𝐚 𝐥𝐢𝐮𝐡𝐮𝐬𝐢 𝐤𝐨𝐨𝐩𝐞𝐫𝐚𝐬𝐚𝐮𝐧 𝐞𝐧𝐭𝐫𝐞 𝐌𝐢𝐧𝐢𝐬𝐭é𝐫𝐢𝐮 𝐒𝐚ú𝐝𝐞, 𝐌𝐢𝐧𝐢𝐬𝐭é𝐫𝐢𝐮 𝐄𝐝𝐮𝐤𝐚𝐬𝐚𝐮𝐧 𝐧𝐨 𝐎𝐌𝐒 (𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐌𝐮𝐧𝐝𝐢á𝐥 𝐒𝐚ú𝐝𝐞), 𝐡𝐨 𝐚𝐩𝐨𝐢𝐮 𝐛𝐨𝐨𝐭 𝐡𝐮𝐬𝐢 𝐊𝐎𝐈𝐂𝐀. 𝐈𝐧𝐢𝐬𝐢𝐚𝐭𝐢𝐯𝐚 𝐧𝐞’𝐞 𝐡𝐨 𝐨𝐛𝐣𝐞𝐭𝐢𝐯𝐮 𝐚𝐭𝐮 𝐠𝐚𝐫𝐚𝐧𝐭𝐞 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚 𝐛𝐞𝐥𝐞 𝐚𝐩𝐫𝐞𝐧𝐝𝐞 𝐡𝐨 𝐦á𝐬𝐢𝐦𝐮.
Iha diskursu, Sua Exelénsia Ministra Edukasaun, Dra. Dulce de Jesus Soares, hateten, ofisialmente mai loke Sala Saúde Eskolár iha Eskola Ensinu Báziku Sentrál (EBC) Binagari Vemasse, ne’ebé implementa liuhusi programa Saúde Eskolár, ne’ebé serbisu hamutuk entre Ministériu Saúde, Ministériu Edukasaun no OMS, ho apoiu ne’ebé folin-boot husi KOICA. Objetivu husi ida-ne’e atu asegura katak estudante sira hotu, la haree ba lian, estadu sosiu-ekonómiku, ka nesesidade edukativu espesiál, bele aprende ho másimu, hodi atinje ninia potensiál tomak.
“Ita hamutuk lansa Sala Saudável ida iha EBC Binagari Vemasse, no eskola ne’e sei iha enfremeira ida, mak tau iha ne’e atu fó asisténsia ba estudante sira ne’ebé mak hetan problema saúde, no sira mós sei halo rastreiu ba matan, tilun, kulit, nehan no moras sira seluk ne’ebé estudante sira enfrenta. Iha sekola ne’e rasik sei iha mós aimoruk, karik iha estudante balun mak hetan moras ka problema kona-ba sira-nia saúde”, dehan S.E. Ministra Edukasaun.
Governante ne’e hatutan, Sala Saudável ne’e estabelese iha eskola haat (4) hanesan, EBC Binagari Vemasse, EBC Soba Laga, EBC Osso-Huna Baguia no EBC Vila-Nova Baucau-Vila. Husi dadus ne’e sei iha kartaun fixa estudante kona-ba sira-nia saúde no dadu sira ne’e sei tau iha dadu sira Ministériu Saúde no Ministériu Edukasaun nian, hanesan maneira ida, atu halo intervensaun ba estudante sira-nia saúde, atu deteta sedu estudante sira-nia problema saúde.
Inisiativa sala saudável ne’e reprezenta pasu importante iha promosaun edukasaun inkluzivu no saudávél ba estudante sira iha Timor-Leste. No esperansa katak iha futuru bele estende ba eskola seluk tan iha rai-laran.
Serimónia lansamentu ofisiál ba Sala Saúde Eskolár ne’e, partisipa husi S.E. Vise Ministru ba asuntu fortalesimentu institusionál saúde, Sr. José dos Reis Magno, S.E. Prezidente Autoridade Munisípiu Baucau, Sra. Veneranda E. M. Lemos Martins, Sra. Youn Hwa Kang, Reprezentante KOICA iha Timor-Leste (Country Rep), Dr. Arvind Mathur, Reprezentante OMS iha Timor-Leste, dirijente serbisu edukasaun Munisípiu Baucau, manorin no estudante sira.
#jornalistaluisalmeida
#traduçãojoãoamaral
#MédiaME
