𝐃í𝐥𝐢, 𝟐𝟎 𝐀𝐠𝐨𝐬𝐭𝐮 𝟐𝟎𝟐𝟓

𝐈𝐡𝐚 𝐥𝐨𝐫𝐨𝐧 𝐧𝐞’𝐞𝐛é 𝐧𝐚𝐤𝐨𝐧𝐮 𝐡𝐨 𝐬𝐢𝐠𝐧𝐢𝐟𝐢𝐤𝐚𝐝𝐮 𝐢𝐬𝐭ó𝐫𝐢𝐤𝐮, 𝐌𝐢𝐧𝐢𝐬𝐭é𝐫𝐢𝐮 𝐄𝐝𝐮𝐤𝐚𝐬𝐚𝐮𝐧 𝐥𝐢𝐝𝐞𝐫𝐚 𝐌𝐚𝐫𝐱𝐚 𝐏𝐨𝐩𝐮𝐥á𝐫 𝐢𝐝𝐚 𝐡𝐨𝐝𝐢 𝐤𝐨𝐦𝐞𝐦𝐨𝐫𝐚 𝐥𝐨𝐫𝐨𝐧 𝐅𝐨𝐫𝐬𝐚 𝐀𝐫𝐦𝐚𝐝𝐚 𝐋𝐢𝐛𝐞𝐫𝐭𝐚𝐬𝐚𝐮𝐧 𝐍𝐚𝐬𝐢𝐨𝐧á𝐥 𝐓𝐢𝐦𝐨𝐫-𝐋𝐞𝐬𝐭𝐞 (𝐅𝐀𝐋𝐈𝐍𝐓𝐈𝐋) 𝐧𝐢𝐚𝐧 𝐛𝐚 𝐝𝐚𝐥𝐚-𝟓𝟎. 𝐌𝐚𝐫𝐱𝐚 𝐧𝐞'𝐞, 𝐡𝐚𝐡ú 𝐡𝐮𝐬𝐢 𝐑𝐨𝐭𝐮𝐧𝐝𝐚 𝐍𝐢𝐜𝐨𝐥𝐚𝐮 𝐋𝐨𝐛𝐚𝐭𝐨, 𝐂𝐨𝐦𝐨𝐫𝐨 𝐧𝐨 𝐭𝐞𝐫𝐦𝐢𝐧𝐚 𝐢𝐡𝐚 𝐓𝐚𝐬𝐢-𝐓𝐨𝐥𝐮.
Objetivu prinsipál husi Marxa Populár ne’e mak atu fó onra ba FALINTIL no hametin liután espíritu patriotizmu no unidade nasionál. Atividade ne’e hatudu katak edukasaun la'ós de'it akontese iha sala aprendizajen, maibé mós sai hanesan dalan ida atu valoriza istória no kultura nasionál.

Maski Marxa ne'e laiha diskursu formál husi lideransa Ministériu Edukasaun nian maibé prezensa hamutuk ho partisipante sira hatudu katak kompromisu metin nafatin atu kontinua espíritu FALINTIL nian liuhosi kontribuisaun ba dezenvolvimentu nasionál, liuliu iha área edukasaun.
Marxa ne’e mós sai hanesan maneira ida atu hanorin estudante sira kona-ba valór no sakrifísiu ne’ebé FALINTIL halo hodi liberta Timor-Leste. Partisipante sira lori espanduk no bandeira ho liamenon ne'ebé fó onra ba erói sira-ne’ebé luta ba ukun rasikan.
#JornalistaEmiliodaCruzLopes
#MédiaME