𝐌𝐚𝐧𝐚𝐭𝐮𝐭𝐮, 𝟏𝟕 𝐉𝐮ñ𝐮 𝟐𝟎𝟐𝟓 – 𝐒𝐮𝐚 𝐄𝐱𝐞𝐥é𝐧𝐬𝐢𝐚 𝐌𝐢𝐧𝐢𝐬𝐭𝐫𝐚 𝐄𝐝𝐮𝐤𝐚𝐬𝐚𝐮𝐧, 𝐃𝐫𝐚. 𝐃𝐮𝐥𝐜𝐞 𝐝𝐞 𝐉𝐞𝐬𝐮𝐬 𝐒𝐨𝐚𝐫𝐞𝐬, 𝐡𝐚𝐦𝐮𝐭𝐮𝐤 𝐡𝐨 𝐄𝐦𝐛𝐚𝐢𝐱𝐚𝐝𝐨𝐫𝐚 𝐁𝐨𝐚𝐯𝐨𝐧𝐭𝐚𝐝𝐞 𝐛𝐚 𝐄𝐝𝐮𝐤𝐚𝐬𝐚𝐮𝐧, 𝐃𝐫𝐚. 𝐊𝐢𝐫𝐬𝐭𝐲 𝐒𝐰𝐨𝐫𝐝 𝐆𝐮𝐬𝐦ã𝐨, 𝐧𝐨 𝐞𝐤𝐢𝐩𝐚 𝐡𝐮𝐬𝐢 𝐨𝐫𝐠𝐚𝐧𝐢𝐳𝐚𝐬𝐚𝐮𝐧 𝐒𝐩𝐞𝐧𝐝 𝐈𝐭 𝐖𝐞𝐥𝐥, 𝐡𝐚𝐥𝐚’𝐨 𝐯𝐢𝐳𝐢𝐭𝐚 𝐤𝐨𝐫𝐭𝐞𝐳𝐢𝐚 𝐛𝐚 𝐄𝐬𝐤𝐨𝐥𝐚 𝐄𝐧𝐬𝐢𝐧𝐮 𝐏𝐫é-𝐄𝐬𝐤𝐨𝐥𝐚𝐫 𝐧𝐨 𝐄𝐧𝐬𝐢𝐧𝐮 𝐁á𝐳𝐢𝐤𝐮 𝐅𝐢𝐥𝐢á𝐥 𝐑𝐞𝐦𝐛𝐨𝐫, 𝐌𝐮𝐧𝐢𝐬í𝐩𝐢𝐮 𝐌𝐚𝐧𝐚𝐭𝐮𝐭𝐮 𝐧𝐨 𝐤𝐨𝐧𝐭𝐢𝐧𝐮𝐚 𝐤𝐞𝐝𝐚𝐬 𝐛𝐚 𝐯𝐢𝐳𝐢𝐭𝐚 𝐄𝐬𝐤𝐨𝐥𝐚 𝐄𝐧𝐬𝐢𝐧𝐮 𝐁á𝐳𝐢𝐤𝐮 𝐒𝐞𝐧𝐭𝐫á𝐥 (𝐄𝐁𝐂) 𝐈𝐈𝐈 𝐒í𝐤𝐥𝐮 𝐧𝐨 𝐄𝐧𝐬𝐢𝐧𝐮 𝐒𝐞𝐤𝐮𝐧𝐝á𝐫𝐢𝐮 𝐉𝐞𝐫á𝐥 𝐀𝐮𝐛𝐚𝐜𝐚, 𝐓𝐫𝐢𝐥𝐨𝐤𝐚, 𝐌𝐮𝐧𝐢𝐬í𝐩𝐢𝐮 𝐁𝐚𝐮𝐜𝐚𝐮.

Vizita ida ne’e, hodi observa direta prosesu aprendizajen iha nível eskola sira, fahe materiál halimar ba labarik Pré-Eskolár, no halo ativdade simbóliku hanesan kuda ai-oan iha área eskola nian, atu fó mahon no haktuir ambiente foun atu fó motivasaun ba estudante no komunidade.

Durante vizita, Sua Exelénsia Ministra Edukasaun, hamutuk ho ekipa, akompaña direta estudante sira nu’udar forma estimula aprendizajen, inklui lee livru, soe-letra, hakerek no halimar ho sira.

Sua Exelénsia Ministra Edukasaun, Dra. Dulce de Jesus Soares, husu manorin sira atu akompaña no guia estudante sira ho atensaun no dedikasaun tomak, atu sira bele aprende ho di'ak liután, liuliu hanorin estudante sira hodi respeita manorin, inanaman, no komunidade sira, nu’udar parte integrál edukasaun nian.

Hafoin remata vizita iha Eskola Rembor, kontinua vizita ba Eskola Ensinu Báziku Sentrál (EBC) III Síklu no Ensinu Sekundáriu Jerál Aubaca, Tiriloka, Munisípiu Baucau. Iha ne’e, Sua Exelénsia Ministra Edukasaun, haree no akompaña prosesu aprendizajen iha aula-laran hodi kompriende situasaun reál edukasaun iha nível lokál.

Vizita sira ne’e fó sinál forte kona-ba kompromisu Governu Timor-Leste nian, liuhusi Ministériu Edukasaun atu kontinua fó prioridade ba edukasaun fundamentál, inkluzivu no sustentável, reforsa kolaborasaun ho parseiru estratéjiku ba benefísiu estudante sira iha rai laran.

#JornalistaLuisaAlmeida
#MédiaME