𝐊𝐎𝐌𝐔𝐍𝐈𝐊𝐀𝐃𝐔 𝐈𝐌𝐏𝐑𝐄𝐍𝐒𝐀:

𝐏𝐎𝐍𝐓𝐔𝐒 𝐀𝐏𝐋𝐈𝐊𝐀𝐒𝐀𝐔𝐍 𝐁𝐎𝐋𝐒𝐀 𝐃𝐄 𝐂𝐀𝐍𝐃𝐈𝐃𝐀𝐓𝐎 𝐄𝐒𝐆-𝐄𝐒𝐓𝐕

• Ministériu Edukasaun ho baze ba Primeira Alterasaun Dekretu-Lei Nú. 31/2023; Estatuto da Carreira Docente hala’o rekrutamentu Bolsa de Candidato Ensino Secundario no TecVoc.

• Ami hakarak konfirma iha ne’e katak iha rekrutamentu bolsa ba Ensino Secundario ida ne’e, ami limita ba area geral Ensino Secundario no exclui áreas produtivas TecVoc nian.
- Exclui areas produtivas tanba karga orario hanorin ba area sira ne’e ladun rekere manorin ho natureza permanente tanba karga orariu manorin ba areas produtivas la kobre tinan tomak maibe balu iha fulan tolu deit, balu fulan nen deit, tanba ne’e ita buka kontratasaun seluk ba prepara manorin sira hanorin ba areas produtivas.

• Konforme artigu 48, numeru 3 no 4 husi Lei Bases da Educação nian, rekrutamentu Bolsa de Candidato ba Ensino Secundario ne’e mos limita ba habilitasaun akadémika mínimu Lisensiatura.

• Aplikante mos tenke mai ho diploma ne’ebe eligivel tuir área estudu ne’ebe iha ligasaun ho Grupu Rekrutamentu ka area hanorin ne’ebe nia aplika ba.

• Tanba ne’e, maka Ministériu Edukasaun mos emite lista kursu no area estudu ne’ebé elejivel no inelejivel.

• Ministerio Edukasaun halo abertura ba konkursu Bolsa de Candidato Ensino Secundario iha dia 24 marsu até dia 11 abril 2025.

• Tuir-mai ami hato’o Rezultadu Aplikasaun Bolsa de Candidato Ensino Secundario Geral no TecVoc
- Rezultadu mak hanesan tuir-mai;
• Total Aplikasaun Ensino Secundario hamutuk 11652 (feto: 6240 ; Mane: 5412), kompostu husi
• Aplikantes Rekrutamentu Publiku hamutuk 10889 (Feto: 5864; Mane: 5025)
• Aplikasaun Rekrutamentu eis-Kontratadus manorin 2023 hamutuk 763 (Feto 376 no Mane: 387)

- Total aplikantes aprovado ka liu selesaun dokumentus hamutuk 10679 (Feto: 5748, Mane 4931), kommpostu husi
• Aplikantes Rekrutamentu Publiku ne’ebé Aprovado ka passa selesaun dokumentus hamutuk 9953 (Feto; 5379, Mane: 4574).

• Aplikantes eis-Kontratados 2023 ne’ebé Aprovado ka passa selesaun dokumentus hamutuk 731 (Feto: 371, Mane: 360)
- Total aplikantes La Aprovado ka la liu selesaun dokumentus hamutuk 974 (Feto: 494 no mane: 480), kompostu husi:
- Aplikantes Rekrutamentu Publiku ne’ebé LA Aprovadu ka LA passa selesaun dokumentus hamutuk 936 (Feto; 485 Mane: 451).
- Aplikantes eis-Kontratados 2023 ne’ebé LA Aprovado ka la passa selesaun dokumentus hamutuk 38 (Feto: 9, Mane: 29).
- La Admitidu ka La passa kriteria selesaun dokumentus
- La passa tanba Idade ultrapassa 53 hamutuk 18;
- La passa tanba la prienxe kriteria minimu abilitasaun akadémika/area estudu inelejivel/la submete dokumentu ne’ebé rekeridu hamutuk 669,
- No la passa tanba diploma la hetan legalizasaun husi MESC hamutuk 287.

• 𝙃𝙖𝙛𝙤𝙞𝙣 𝙢𝙤𝙨 𝙖𝙢𝙞 𝙝𝙖𝙩𝙤’𝙤, 𝙩𝙤𝙩𝙖𝙡 𝘼𝙥𝙡𝙞𝙠𝙖𝙣𝙩𝙚𝙨 𝘼𝙥𝙧𝙤𝙫𝙖𝙙𝙪 𝙣𝙚’𝙚𝙗é 𝙨𝙚𝙞 𝙥𝙖𝙧𝙩𝙞𝙨𝙞𝙥𝙖 𝙞𝙝𝙖 𝙩𝙚𝙨𝙩𝙚 𝙚𝙡𝙚𝙩𝙧ó𝙣𝙞𝙠𝙖 𝙝𝙪𝙨𝙞 𝙙𝙞𝙖 19 𝙙𝙚 𝙈𝙖𝙞𝙪 2025 𝙩𝙤’𝙤 16 𝙅𝙪𝙣𝙝𝙤 2025 𝙩𝙪𝙞𝙧 𝙠𝙖𝙙𝙖 𝙂𝙧𝙪𝙥𝙪 𝙍𝙚𝙠𝙧𝙪𝙩𝙖𝙢𝙚𝙣𝙩𝙪.
1) Ba Grupu Rekrutamentu Português e Temas de Literatura e Cultura - BK/11/ME/2025 iha partisipantes teste hamutuk 1104 (F: 727; M: 377), sira sei kompete ba lugares hamutuk 250.
2) Tétum - BK/12/ME/2025 iha partisipantes hamutuk 223 (F: 142; M: 81), sira sei kompete ba lugares bolsa hamutuk 125.
3) Inglês - BK/13/ME/2025 iha partisipantes hamutuk 959 (F:565, M: 394) no kompete ba 125 lugares
4) Malaio - BK/14/ME/2025 iha partisipantes hamutuk 32 (F:17, M: 15) no kompete ba 75 lugares
5) História, Geografia e Cidadania e Desenvolvimento Social- BK/15/ME/2025 iha partisipantes hamutuk 1265 (F:487, M: 778) no kompete ba 150 lugares.
6) Economia e Métodos Quantitativos, Sociologia e Empreendedorismo- BK/16/ME/2025 iha partisipantes hamutuk 2347 (F:1381, M: 966) no kompete ba 100 lugares
7) Matemática - BK/17/ME/2025 iha partisipantes hamutuk 729 (F:261, M: 468) no kompete ba 100 lugares
8) Física e Química - BK/18/ME/2025 iha partisipantes hamutuk 997 (F: 479, M: 518) no kompete ba 125 lugares
9) Biologia e Geologia - BK/19/ME/2025 iha partisipantes hamutuk 1962 (F: 1187, M: 775) nebe kompete ba 100 lugares
10) Tecnologias e Multimédias e Informática - BK/20/ME/2025 iha partisipantes hamutuk 875 (F: 383, M: 492) ne’ebe kompete ba 125 lugares
11) Educação Física e Desporto - BK/21/ME/2025 iha partisipantes hamutuk 3 (F: 1, M: 2) no kompete ba 100 lugares.
12) Religião e Moral - BK/22/ME/2025 iha partisipantes hamutuk 183 (F: 118, M: 65) ne’ebe kompete ba 75 lugares.

• 𝙏𝙪𝙞𝙧 𝙛𝙖𝙡𝙞, 𝙠𝙤𝙣𝙖𝙗𝙖 𝙖𝙥𝙡𝙞𝙠𝙖𝙣𝙩𝙚𝙨 𝙩𝙪𝙞𝙧 𝙢𝙪𝙣𝙞𝙨𝙞𝙥𝙞𝙪;
• 47% ka 6898 husi total aplikantes hotu-hotu, aplika husi munisípiu Dili, hafoin, Munisípiu Baucau no Ermera iha 6.5%, Bobonaro iha 5.53%, Liquiça, Viqueque, Manufahi, Ainaro no Covalima husi 4.08% to’o 4.67% husi total aplikantes hotu-hotu.
• Maske aplikantes submete aplikasaun ho porsaun maka’as liu iha Dilli, 13% aplikantes moris fatin iha Baucau, no moris fatin Ermera no Bobonaro atinji 11.20 e tal pursent.

𝙐𝙣𝙞𝙫𝙚𝙧𝙨𝙞𝙙𝙖𝙙𝙚 𝙂𝙧𝙖𝙙𝙪𝙖𝙙𝙪
• Aplikantes graduadu husi UNTL mak barak liu, atinji 37.53% ka 4827, hafoin UNPAZ ho 15.75% ka 2026, UNITAL iha 14.96% ka 1924.
• Aplikantes Graduadu husi Universidade sira iha Railiur hamutuk 510, no maioria graduadu husi Universidade sira iha Indonesia ho total 425 aplikantes, tuir fali Filipina, Brazil no Cuba.

𝘼𝙢𝙞 𝙢𝙤𝙨 𝙞𝙣𝙛𝙤𝙧𝙢𝙖 𝙠𝙤𝙣𝙖𝙗𝙖 𝙧𝙚𝙠𝙡𝙖𝙢𝙖𝙨𝙖𝙪𝙣 𝙣𝙚’𝙚𝙗𝙚 𝙖𝙢𝙞 𝙨𝙞𝙢𝙪.
• Bazeia ba regras estabelesidus, Ministeriu Edukasaun fo tempu ba aplikantes iha loron 5 úteis (dia 5 to’o 9 maiu 2025) atu submete reklamasaun konaba rezultadu selesaun dokumentus.
• Aplikantes ne’ebe hatama reklamasaun hamutuk 72 no Juri hola ona desizaun konaba sira nia reklamasaun
• Iha dia 13 de maiu 2025, Painel Juri BdC Ensino Secundario halo enkontru juri ho desizaun hanesan tuir-mai ne’e:
- Aplikantes ne’ebe hatama reklamasaun hamutuk 72 no Juri hola ona desizaun konaba sira nia reklamasaun
- Desizaun Juri Reklamasaun Deferidu iha 32
- Aprovadu Mudansa Grupu Rekrutamentu iha 10
- Reklamasaun Indeferidu iha 28
- Koresaun naran iha na’in 2 .

Mak ne’e deit informasaun ne’ebé ami hakarak publika, itabot sira nia atensaun ami hato’o obrigado wa’in