Díli, 02, Setembru 2025

Sua Exelénsia Ministra Edukasaun, Dra. Dulce de Jesus Soares, partisipa iha serimónia nasionál kona-ba Papél Jerasaun Foun iha Kontestu Dezenvolvimentu Nasionál hodi Hatutan Obra Jerasaun Tuan, iha Salaun Xina, Palásiu Prezidente, Aitarak-Laran.

Iha semináriu ne’e Sua Exelénsia Prezidente Repúblika, Dr. José Ramos-Horta, hateten, joven-nia kontribuisaun ba dezenvolvimentu nasaun nian mak tenki estuda maka’as, la’os de’it atu hetan diploma, maibé remata mós ho kualidade.

“Hanesan estudante ita deve ida ne’e ba ita-nia inan-aman no tiu sira ne’ebé mak ajuda ita-nia estudu, sira halo sakrifísiu boot atu ita bele hetan susesu ne’ebé mak ho kualidade, sira orgullu tebetebes, bainhira sira-nia oan hetan grau universitáriu”, dehan S. E. Prezidente.

Oradór prinsipál ba semináriu ne’e mak, Sua Exelénsia Primeiru Ministru RDTL, Kay Rala Xanana Gusmão no oradór segundu mak, Sua Exelénsia Vise-PM, MCAS no Ministru Dezenvolvimentu Rurál no Habitasaun Komunitária, Eng. Mariano ASSANAMI Sabino.

#jornalistaluisalmeida
#MédiaME