Ainaro, Kinta-feira, 19/06/2024
Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Prezidente INFORDEPE Sr. Domingos Martins no Diretór Nasionál Ensinu Sekundáriu Jerál Sr. Benjamin da Cruz Enseramentu Formasaun Lingua Portugés Nível B2 Projetu Pro-Portuges, iha Eskola Ensinu Báziku Venancio Ferraz iha Munisípiu Ainaro semana ne’e
Iha enseramentu ne’e, Exelénsia hateten, Objetivu Jerál husi projetu Pro-Portuges ne’e nesesáriu kontribui ba konsolidasaun sistema edukasaun Timor-Leste nian, liu-husi apoiu ba setór formasaun profisionál no kontinua sai hanesan mestre ba sistema ensinu superiór. Ida ne'e la'ós de'it objetivu edukasaun nian, no apelu ba asaun, kompromisu no investimentu iha rekursu ne'ebé folin-boot liu ba foin-sa'e Timor-oan sira.
“Ministeriu Edukasaun estabelese hamutuk ho Institutu Kooperasaun no Camões nian, atu hametin lian no komunikasaun ba ita-nia profesór sira - pilár sira ne'ebé ita sei harii iha sosiedade ida, Kursu Lian Portugues - Nivel B2 iha Ainaro hametin liután lian Portugues hamutuk ho professor/a sira”, esplika Governante ne’e.
Fatin hanesan Presidente INFORDEPE Sr. Domingos Martins deklara, formasaun ne’ebé mak professor/a sira hetan ne’e hanesan bukae ida ba profesor/a sira, husu atu implementa iha aula laran.
“Materia ne’ebé imi hetan ida ne’e hanesan bukae ida ba imi, nafatin aprende maske formasaun ne’e hotu ona, tanba imi mak hanesan lalenok ida ba alunu sira, tuir formasaun Lingua Portugues nível B2 Projetu Pro-Portuges n’e formasaun ida ne’ebé mak nivel as ona iha Timor-Leste, bukae ne’ebé mak imi hetan labele lakon fahe ba estudante sira”, dehan Prezidente ne’e.
Enkuantu formasaun ne’e realiza husi INFORDEPE, abertura iha loron 5 fulan Setembru tinan 2019,ensera iha loron 17 fulan juñu tinan 2024, formadu na’in 128, formador na'in 4, kompostu husi Postu Administrativu Ainaro, Hatu-udu, Hatubuilico, Maubisse.
#jornalistarita
#MédiaME
