Ermera, 09/01/2025
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos no Dirijente Ministériu Edukasaun nian partisipa iha misa enseramentu São João Paulo II iha resintu Edukasaun Munisípiu Ermera Kuarta-feira ne'e.
Iha Omília Pe. Selebrante Ricardino Mendonça Castro hateten, halo reflesaun hamutuk iha loron ida ohin hodi hanoin mós ba João Paulo II nia lifuan ne'ebé hato'o ba Timor oan sira iha 1999 dehan" imi mak Masin no naroman mundu nian", lifuan ne’e sai hanesan osan mean ida ne'ebé refleta nunka hotu to'o mate.
"Ita idak-idak refleta São João Paulo II nian mensajen sira iha tinan 2024 São João Paulo II vizita ita nia eskola sira iha Munisípiu Ermera, tinan foun 2025 illas ne’e hi'it-an ba vizita fali Munisípiu seluk iha Diresaun Edukasaun nian, maski nia hi'it an ba maibé nia espíritu ne'e tenki hela iha ita idak-idak nian tanba ita hakarak Timor ne'e sai Masin no naroman ba mundu", dehan Pe. Selebrante Ricardino.
Ministériu Edukasaun mós hili Santo ida ne’e sorti bo'ot bele lori ispirasaun bo'ot ba servisu Ministériu Edukasaun nian.
Misa enseramentu São João Paulo II ne'e partisipa mós husi Prezidente Autoridade Munisípiu Ermera, Profesór, estudante Munisípiu Ermera nian, hafoin misa Sua Exelénsia Sekretáriu Estadu ESJ-ESTV Sr.Domingos Lopes Lemos ho ekipa abertura mós orientasaun akadémiku ano letivo 2025 iha resintu Ministériu Edukasaun Ermera.
MédiaME
