Maliana, loron 01 fulan Dezembru 2025
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, halo abertura kursu formasaun preparatória ba Profesór foun Ensinu Sekundáriu Jerál no Ensinu Sekundáriu Tékniku Vokasionál ne'ebé organiza husi INFORDEPE parseria ho Institutu São João de Brito Liquiçá, iha eskola Agríkola Moleana, Postu Administrativu Maliana, Munisípiu Bobonaro segunda-feira ne’e.
Iha Diskursu Sua Exelénsia Sekretáriu Estadu ESJ-ESTV Sr. Domingos Lopes Lemos, hateten Formasaun ida-ne’e nu’udar bolu ba responsabilidade. Profesór ida-idak sei iha responsabilidade hodi orienta joven sira ne’ebé reprezenta futuru Timor-Leste nian. Profesór nia serbisu la limita ba transmisaun koñesimentu nian, maibé habelar ba formasaun sidadaun sira ne'ebé konxiente no apoiante no preparadu atu hasoru dezafiu sira, profesór nia kompromisu, dedikasaun, no étika profisionál sei sai krusiál hodi halo ensinu sekundáriu sai espasu ida ne'ebé importante ba beibeik ba aprendizajen, esperansa, no transformasaun.
"Investimentu ne’e la’ós prosesu administrativu de’it, maibé esforsu estratéjiku husi Ministériu Edukasaun atu hasa’e kualidade ensinu sekundáriu jerál no tékniku-vokasionál iha rai-laran tomak. Formasaun ne’ebé hahú ohin dezeña atu hametin abilidade pedagójika sira, promove metodolojia inovadora sira, integra teknolojia dijitál sira, no garante katak profesór sira preparadu atu hatán ba ezijénsia kurrikulár no nesesidade estudante timoroan sira nian".
Governante ne’e dehan, Iha tinan 2025, profesór hamutuk na’in 250, Profesór sira-seluk ne'ebé bolu hosi Bolsa Kandidatura sira nian sei iha formasaun ne'ebé asegura iha 2026, hodi kontinua esforsu nasionál hodi valoriza no profisionaliza karreira dosente nian.
Fatin hanesan Komisária Funsaun Públika Sra. Anita Tavares Ribeiro de Jesus deklara, formasaun ne'e pasu estratéjiku ida atu hasa'e koñesimentu profisionál no abilidade esensiál iha kontestu Administrasaun Públika. Profesór sira bele koñese didi'ak direitu, devér no responsabilidade hodi hala'o funsaun ho rigór, responsabilidade no dedikasaun. Kontribui ba hasa'e kualidade sistema edukasaun iha Timor-Leste.
"Profesór sira imi tenki aproveita didi'ak formasaun ne’e, tanba Profesór ne’e Vokasaun. hatudu imi-nia karater no vontade di’ak durante formasaun nune’e imi bele fahe ba estudante sira durante prosesu aprendizajen iha eskola, aproveita no tau iha prátika lisaun sira".
#MédiaME
SECRETÁRIO DE ESTADO DO ESJ-ESTV FEZ ABERTURA DO CURSO DE FORMAÇÃO PREPARATÓRIA PARA NOVOS PROFESSORES DO ENSINO SECUNDÁRIO GERAL E TÉCNICO-VOCACIONAL NO MUNICÍPIO DE BOBONARO
Maliana, 1 de dezembro de 2025 – O Secretário de Estado do Ensino Secundário Geral e do Ensino Secundário Técnico-Vocacional, Domingos Lopes Lemos, presidiu esta segunda-feira à abertura do curso de formação preparatória para novos professores do Ensino Secundário Geral e Técnico-Vocacional. A iniciativa é organizada pelo INFORDEPE, em parceria com o Instituto São João de Brito de Liquiçá, e decorre na Escola Agrícola de Moleana, no Posto Administrativo de Maliana, Município de Bobonaro.
No seu discurso, o Secretário de Estado sublinhou que esta formação representa um apelo à responsabilidade. Cada professor,, carrega a missão de orientar os jovens que representam o futuro de Timor-Leste. O papel do professor não se limita à transmissão de conhecimento, mas estende-se à formação de cidadãos conscientes, solidários e preparados para enfrentar desafios. O compromisso, a dedicação e a ética profissional do corpo docente serão cruciais para que o ensino secundário se afirme como um espaço de aprendizagem contínua, esperança e transformação.
“Este investimento não é apenas um processo administrativo, mas um esforço estratégico do Ministério da Educação para elevar a qualidade do ensino secundário geral e técnico-vocacional em todo o país. A formação hoje iniciada pretende fortalecer competências pedagógicas, promover metodologias inovadoras, integrar tecnologias digitais e garantir que os professores estejam preparados para responder às exigências curriculares e às necessidades dos estudantes timorenses”, afirmou Domingos Lopes Lemos.
O governante adiantou ainda que, em 2025, um total de 250 professores participará nesta formação. Os restantes candidatos selecionados através do programa de bolsas terão formação assegurada em 2026, dando continuidade ao esforço nacional de valorização e profissionalização da carreira docente.
A Comissária da Função Pública, Anita Tavares Ribeiro de Jesus, destacou igualmente que esta formação constitui um passo estratégico para reforçar o conhecimento profissional e as competências essenciais no contexto da Administração Pública. Os professores devem conhecer bem os seus direitos, deveres e responsabilidades, exercendo as suas funções com rigor, responsabilidade e dedicação, contribuindo assim para melhorar a qualidade do sistema educativo timorense.
“Professores, aproveitem bem esta formação, porque ser professor é uma vocação. Mostrem o vosso carácter e a vossa vontade durante este processo, para que possam transmitir esses valores aos estudantes durante o percurso de aprendizagem. Aproveitem e coloquem em prática aquilo que aqui aprenderem”, apelou.
#MédiaME
