Oe-Cusse, 06 Juñu 2026 – Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál, Sr. Domingos Lopes Lemos, halo lansamentu distribuisaun ekipamentu ICT ba Eskola Sekundáriu Tékniku Vokasionál Palaban iha Rejiaun Administrativa Espesiál Oe-Cusse Ambeno, Segunda-feira ne’e.

Ekipamentu ne’ebé distribui maka komputadór ho unidade 20 no mákina imprime 1. Atividade ne’e akompaña direita husi Diretór Nasionál Ensinu Sekundáriu, Sr. Benjamin Fernandes da Cruz, Dirijente sira husi Ministériu Edukasaun no mós Diretór Rejionál Edukasaun RAEOA.

Iha entrevista hafoin lansamentu, Sekretáriu Estadu Domingos Lopes Lemos hateten, objetivu distribuisaun ne’e atu fasilita estudante sira iha prosesu ensinu, liu-liu ba aula prátika.

"Oferese tuir Ministériu Edukasaun nia kbi'it, maibé sei esforsa ba oin bele aumenta tan kompleta ho projetór. Komputadór ne'ebé ohin oferese ona bele fasilita prosesu aprendizajén la'o ho di'ak. Neʼebé konsidera sasán sira-ne'e labele dehan Estadu nian maibé konsidera sasán sira-ne'e imi-nian ona, tanba imi mak sei utiliza lorloron," dehan Governante ne'e.

Nia mós husu ba manaorin no estudante sira atu kuidadu no uza ekipamentu sira ne’e ho responsabilidade, hodi nune’e bele dura ba tempu naruk.

Fatin hanesan, Diretór Eskola ESTV Palaban, Sr. José António Oqui, agradese apoiu ne’e no dehan ekipamentu foun ne’e ajuda tebes eskola tanba durante ne’e menus komputadór ba estudante sira halo prátika.

"Ami tenki utiliza ho didi'ak. Primeiru formasaun karatér no disiplina, atu hadi'a kualidade ensinu no hasa'e kapasidade estudante ba parte Téknolojía Informasaun no Komunikasaun, ICT. Tanba agora ita tama ba sékulu-21, presiza duni sasán elétroniku liliu informatika nian," dehan Diretór ne’e.

Tuir dadus eskola nian, ESTV Palaban iha estudante hamutuk 1.500 no manorin-na’in hamutuk 40, inklui mós manorin-na’in Tékniku Informátika na'in 5.

Tuir planu, hafoin ESTV Palaban, Ministériu Edukasaun sei kontinua apoiu mós ba eskola sira seluk iha Sub-Rejiaun Pássabe.

[PORTU]

SECRETÁRIO DE ESTADO DA ESJ-ESTV DISTRIBUI 20 COMPUTADORES E 1 IMPRESSORA À ESCOLA TÉCNICA PROFISSIONAL DE PALABAN, EM OE-CUSSE

Oe-Cusse, 06 de junho de 2026 – Sua Excelência o Secretário de Estado da Educação Secundária Geral e da Educação Técnica Profissional, Sr. Domingos Lopes Lemos, lançou na segunda-feira a distribuição de equipamentos TIC para a Escola Técnica Profissional de Palaban, na Região Administrativa Especial de Oe-Cusse Ambeno.

Os equipamentos distribuídos são 20 computadores e 1 impressora. A atividade contou com a presença do Diretor Nacional do Ensino Secundário, Sr. Benjamin Fernandes da Cruz, de dirigentes do Ministério da Educação e ainda do Diretor Regional de Educação da RAEOA.

Em entrevista após o lançamento, o Secretário de Estado Domingos Lopes Lemos afirmou que o objetivo da distribuição é facilitar o processo de aprendizagem dos alunos, sobretudo nas aulas práticas.

"Oferecido de acordo com as possibilidades do Ministério da Educação, mas procuraremos alargar o número de equipamentos, incluindo projetores. O computador hoje oferecido pode facilitar o processo de aprendizagem.

Pediu ainda aos professores e alunos que cuidem e utilizem estes equipamentos com responsabilidade, para que durem muito tempo.

Ao mesmo tempo, o Diretor da Escola ESTV Palaban, Sr. José António Oqui, agradeceu o apoio e disse que o novo equipamento ajuda a escola, pois atualmente existem poucos computadores disponíveis para os alunos praticarem.

"Devemos usá-lo bem. Primeiro, para a formação do carácter e da disciplina, para melhorar a qualidade da educação e aumentar a capacidade dos alunos na área das Tecnologias de Informação e Comunicação (TIC). Porque agora, entrando no século XXI, precisamos realmente de recursos electrónicos, especialmente para a informática", disse o Director.

Segundo dados da escola, a ESTV Palaban tem 1.500 alunos e 40 professores, incluindo 5 professores de informática.

De acordo com o plano, após a ESTV Palaban, o Ministério da Educação continuará a apoiar outras escolas da Sub-região de Pássabe.