Díli, 05-05-2025, Sua Exelénsia Sekretáriu Estadu ESJ-ESTV Sr. Domingos Lopes Lemos akompaña ho Diretór Jerál Ensinu Sr. Deolindo da Cruz no Diretór Nasionál ESTV Sr. Fernando Moujinho Gama entrega ekipamentu ba eskola ESTV 28 Novembru iha Segunda-feira Semana ne'e.

Iha intrevista Sua Exelénsia Sekretáriu Estadu ESJ-ESTV Sr. Domingos Lopes Lemos hateten ohin mai iha fatin ne'e lori ekipamentu hanesan arte grafika nian tuir rezultadu ne'ebé mak ekipa hala'o observa ona iha eskola ESTV 28 de Novembru nian, sira iha mákina ki'ik ida mak halo operasaun fó prátika ba estudante sira.

"Tanbá ne'e Ministériu Edukasaun tau ona orsamentu hodi sosa mákina ne'ebé mak ho medida bo'ot hodi nune’e fasil liután Manorin-nain sira hanorin estudante sira prátika ho di'ak ami mós lori projetór no ekipamentu eletrisidade nian objetivu hodi halo dizitalizasaun ba eskola tékniku vokasionál no ensinu sekundáriu sira.

Governante ne'e hatutan-tan ba Diretór eskola manorin-nain no estudante sira ekipamentu ne'ebé mak ohin entrega ona ba eskola ne'e kuidadu ho di'ak sasan mak estadu nian maibe nafatin kuidadu hanesan ita nian rasik.

Iha fatin hanesan Diretór eskola ESTV 28 Novembru Sr. Tomas Pinto hateten ho kontente no orgullu tebes ba vizita ofisial husi Sua Exelénsia Sekretáriu Estadu ESJ-ESTV nian ho objetivu atu entrega ekipamentu ne'ebé mak importante tebes hodi apoiu prosesu aprendizajen no formasaun profisionál ba estudante sira iha eskola ida ne'e, ekipamentu ne'e fó Kontribuisaun bo'ot elevasaun ba kanorin no manorin sira iha ensinu área téknika.

"Tanbá ne'e ekipamentu ne'ebé ohin lori diretamente mai iha ne'e hodi partilla no motivasaun mai ami iha fatin ida ne'e"