BOBONARO, 10 Jullu 2026 – Sua Exelénsia Ministra Edukasaun, Dra. Dulce de Jesus Soares, reafirma katak numerasia no literasia mak sai baze fundamentál ba estudante sira-nia progresu estudu. Nia dehan, investimentu iha tinan sira inisiál eskola nian maka xave atu asegura estudante sira bele tuir ho susesu iha nivel sira tuir mai.

Asuntu ne'e hato'o husi Ministra bainhira partisipa diretamente iha aprezentasaun rezultadu _mini Early Grade Reading Assessment_ - EGRA no _Early Grade Mathematics Assessment_ - EGMA, ne'ebé hala'o iha Salaun Eskola ESTV Dom Bosco Maumali, Munisípiu Bobonaro, iha Kinta, loron 10 fulan Jullu.

Ministra Dulce esplika katak Ministériu Edukasaun foti inisiativa halo avaliasaun ba estudante sira iha siklu dahuluk, espesifikamente ba klase 1, 2 no 3, tanba iha tinan sira-ne'e maka estudante sira harii sira-nia abilidade fundamentál ne’ebé sai baze ba sira-nia aprendizajen iha futuru.

"Ita rekoñese katak ita iha dezafiu boot iha literasia no numerasia baze. Ne'e duni maka importante tebes ita halo teste ba ita-nia oan sira iha klase inisiál. Tanba ita hotu hatene katak se estudante ida la hatene lee ho di'ak no la hatene halo kalkulasaun simples, nia sei hetan susar atu aprende asuntu sira-seluk iha klase aas liután," tenik Ministra.

Nia subliña tan katak numerasia no literasia la'ós de'it dixiplina rua, maibé sai aliserse ba área estudu hotu-hotu. Ho baze ne'ebé forte, estudante sira sei iha konfiansa no kapasidade atu kontinua sira-nia viajen edukasaun to'o iha ensinu superiór.

Iha okaziaun hanesan, Prezidente Autoridade Munisípiu Bobonaro Interinu, Sr. Domingos da Costa, hato'o nia kompromisu hodi apoia programa sira husi Ministériu Edukasaun iha nivel baze.

Nia dehan, autoridade munisipál iha kompeténsia no responsabilidade atu tun ba baze, vizita eskola sira, no haree direta prosesu aprendizajen ne'ebé akontese iha sala aula.

"Ami fiar metin katak rezultadu EGRA no EGMA ne'ebé ohin ita rona hamutuk sei sai hanesan espellu ba ita-nia serbisu durante ne'e. Rezultadu ne'e sei hatudu ita-nia forsa no frakeza, espesialmente iha parte profesór sira-nia dedikasaun tanba sira maka diretamente kaer papél importante hanorin no forma ita-nia jerasaun foun," afirma PAM Interinu.

Sr. Domingos mós husu ba diretór eskola no profesór sira atu utiliza rezultadu ne'e la'ós atu tauk, maibé atu sai motivasaun hodi halo planu di'ak liután ba prosesu ensinu-aprendizajen iha futuru.

Serimónia aprezentasaun ne'e hetan partisipasaun másimu husi na'i ulun relevante sira iha setór edukasaun. Sira ne'ebé marka prezensa maka Sua Exelénsia Ministra Edukasaun Dra. Dulce de Jesus Soares, PAM Bobonaro Interinu Sr. Domingos da Costa, Diretór Servisu Edukasaun Munisipál Bobonaro, Superintendente Eskola sira, no Diretór sira Eskola Ensinu Báziku husi postu administrativu hotu iha Bobonaro.

Teste _mini_ EGRA foka ba abilidade lee, komprensaun testu, no fluénsia, enkuantu EGMA foka ba abilidade numerasia bázika hanesan konta, kompara númeru, no rezolve problema simples.

Ministériu Edukasaun espera katak ho dadus husi avaliasaun ne'e, governu, autoridade lokál, eskola no komunidade bele serbisu hamutuk hodi kria estratéjia efetivu atu hadi'a kualidade ensinu iha Timor-Leste, hahú husi baze.

[PORTU]

NUMERACIA E LITERACIA SÃO A BASE DO SUCESSO ESCOLAR DOS ESTUDANTES

BOBONARO, 10 de julho de 2026 – A Ministra da Educação, Dra. Dulce de Jesus Soares, afirmou que a numeracia e a literacia constituem os pilares fundamentais do sucesso escolar dos estudantes, defendendo que o reforço das competências básicas nos primeiros anos de escolaridade é determinante para o seu percurso educativo.

A governante falava durante a apresentação dos resultados da mini Early Grade Reading Assessment (EGRA) e da Early Grade Mathematics Assessment (EGMA), realizada na Escola Técnico-Vocacional Dom Bosco de Maumali, no município de Bobonaro.
Segundo a Ministra, o Ministério da Educação promoveu esta avaliação junto dos alunos da 1.ª, 2.ª e 3.ª classes por considerar que é nesta fase que se desenvolvem as competências essenciais de leitura, escrita e matemática, indispensáveis para o sucesso das aprendizagens futuras.
"Reconhecemos que ainda enfrentamos desafios ao nível da literacia e da numeracia. Por isso, é fundamental avaliar as competências dos alunos nas classes iniciais. Um estudante que não domina a leitura nem os cálculos básicos terá maiores dificuldades em acompanhar as restantes disciplinas ao longo do seu percurso escolar", afirmou.

Dulce de Jesus Soares sublinhou ainda que a literacia e a numeracia constituem a base de todas as áreas do conhecimento e que o fortalecimento destas competências permitirá aos estudantes prosseguir os estudos com maior confiança e melhores resultados.

Na mesma ocasião, o Presidente Interino da Autoridade Municipal de Bobonaro, Domingos da Costa, reiterou o compromisso da administração municipal em apoiar as políticas educativas implementadas pelo Ministério da Educação.

O responsável salientou que a Autoridade Municipal continuará a acompanhar o funcionamento das escolas, através de visitas e da observação direta do processo de ensino e aprendizagem.
"Os resultados da EGRA e da EGMA refletem o trabalho desenvolvido nas escolas e permitirão identificar os pontos fortes e os aspetos que necessitam de melhorias. Os professores desempenham um papel decisivo na formação das novas gerações", afirmou.

Domingos da Costa apelou ainda aos diretores e professores para que utilizem os resultados da avaliação como um instrumento de melhoria contínua, reforçando o planeamento pedagógico e a qualidade do ensino.

A apresentação contou com a participação da Ministra da Educação, do Presidente Interino da Autoridade Municipal de Bobonaro, do Diretor dos Serviços Municipais de Educação, dos Superintendentes Escolares e dos Diretores das Escolas do Ensino Básico do município.

A EGRA avalia as competências de leitura, compreensão e fluência leitora, enquanto a EGMA mede as competências básicas de numeracia, incluindo cálculo, comparação de números e resolução de problemas matemáticos simples.

Com os resultados desta avaliação, o Ministério da Educação pretende reforçar a cooperação entre o Governo, as autoridades locais, as escolas e as comunidades, com vista à definição de estratégias que contribuam para a melhoria da qualidade do ensino em Timor-Leste, começando pelos primeiros anos de escolaridade.

Elias da Costa
Mídia ME