𝐌𝐈𝐍𝐈𝐒𝐓É𝐑𝐈𝐔 𝐄𝐃𝐔𝐊𝐀𝐒𝐀𝐔𝐍 𝐇𝐎 𝐄𝐒𝐓𝐔𝐃𝐀𝐍𝐓𝐄 𝐄𝐒𝐓𝐕 𝐌𝐎𝐋𝐄𝐀𝐍𝐀 𝐊𝐎𝐋𝐋𝐄𝐓𝐀 𝐇𝐀𝐑𝐄 𝐇𝐄𝐊𝐓𝐀𝐑 𝟓 𝐈𝐇𝐀 𝐌𝐀𝐋𝐈𝐀𝐍𝐀

𝐌𝐈𝐍𝐈𝐒𝐓É𝐑𝐈𝐔 𝐄𝐃𝐔𝐊𝐀𝐒𝐀𝐔𝐍 𝐇𝐎 𝐄𝐒𝐓𝐔𝐃𝐀𝐍𝐓𝐄 𝐄𝐒𝐓𝐕 𝐌𝐎𝐋𝐄𝐀𝐍𝐀 𝐊𝐎𝐋𝐋𝐄𝐓𝐀 𝐇𝐀𝐑𝐄 𝐇𝐄𝐊𝐓𝐀𝐑 𝟓 𝐈𝐇𝐀 𝐌𝐀𝐋𝐈𝐀𝐍𝐀

Bobonaro, Kinta-feira, 08 Maiu 2025
Ministériu Edukasaun liu-husi Diretór Jerál Ensinu Sekundáriu (DGES) Sr. Deolindo da Cruz hamutuk ho Diretór Nasionál Ensinu Sekundáriu Tékniku Vokasionál (DNESTV) Sr. Fernando Mouzinho Gama halo abertura ba kolleta hare iha Eskola Sekundáriu Tékniku Vokasionál Moleana, Suku Ritabou, Postu Administrativu Maliana, Munisípiu Bobonaro.

Iha okaziaun ne’e, Diretór Jerál Ensinu Sekundáriu (DGES) Sr. Deolindo da Cruz hateten, Ensinu Sekundáriu Tékniku Vokasionál tuir ita nia planu estratéjiku Edukasaun Nasionál ho ita nia planu Dezenvolvimentu Nasionál 2011-2030 tau prioridade bo’ot liu iha área Tékniku Vokasionál.

“Dalaruma ema hanoin katak la dun importante maibé ida ne’e sai baze fundamentál iha nasaun hotu-hotu atu hasa’e kresimentu ekonómia ba família no ba nasaun, ita-bo’ot sira tenke iha hanoin ona atu hili ida ne’ebe mak di’ak ba futuru, eskola tenke hatudu rezultadu di’ak ba família, komunidade no sosiedade hodi kontribui ba nasaun RDTL.

Entretantu, Sra. Noemia da Silva Manuel Leite hanesan reprezentante Diresaun Servisu Edukasaun Munisipál hato’o agradese ba rezultadu ne’ebé mak estudante sira hatudu, nomós apresia ba parte eskola husi Diretór Eskola, Adjuntu, manorin no estudante tanba eskola ida-ne’e la’os de’it iha teoria maibé hatudu ona prátika liu husi rezultadu ne’ebé iha.

Iha atividade kolleta hare ne’e partisipa husi Diretór Jerál Ensinu Sekundáriu (DGES) Sr. Deolindo da Cruz, Diretór Nasionál Ensinu Sekundáriu Tékniku Vokasionál Sr. Fernando Mouzinho Gama, Reprezentante Diretór servisu Edukasaun Munisípiu Bobonaro, profesór no estudante sira.

#MÉDIA-ME