Dili, 19 Fevereiru 2026
Sua Excelénsia Ministru Edukasaun Interinu, Sr. Domingos Lopes Lemos, partisipa iha “Primeiru Workshop Nasionál kona-ba Mekanismu Koordenasaun Interministerial ba ASCC”, ne’ebé realiza iha Auditóriu Kay Rala Xanana Gusmão, Dili, iha tersa-feira ne’e.
Reunião ne’e iha objetivu atu prepara no hametin mekanismu koordenasaun entre ministériu sira, hodi hasa’e prontidaun Timor-Leste nian ba enkontru ASEAN ne’ebé sei realiza iha Timor-Leste iha tinan 2028, liuliu iha ámbitu ASEAN Socio-Cultural Community (ASCC).
Iha oportunidade ne’e, reuniaun ne’e hetan partisipasaun máximu husi Sua Excelénsia Vice-Primeiru-Ministru, Ministru Koordenadór Asuntu Sosiál no Ministru Dezenvolvimentu Rural no Habitação Komunitária, Sr. Mariano Asanami Sabino, nune’e mos membru Governu sira seluk no reprezentante husi ministériu hotu-hotu.
Workshop ne’e sai hanesan etapa importante ida atu asegura sinerjia no koordenasaun efetiva entre instituisaun relevante sira, hodi garante susesu organizasaun no partisipasaun ativa Timor-Leste nian iha enkontru rejionál sira iha futuru.
jornalista Mario&Erryk
#MediaME
