Viqueque 28 Marsu 2026
Ministériu Edukasaun liu-hosi Ministra Edukasaun Dra. Dulce de Jesus Soares hala’o vizita ba eskola EBC 05 Welolo hodi Haree Direitamente Kondisaun no Infrestrutura hanesan Eskola tuan, ne’ebé mak antes harii husi komunidade suku Luca, postu adminitrsativu Viqueque.
Iha vizita Guvernante ne’e Ministra husu ba Kordenador no profesór sira atu iha kbiit kreativu hodi fahe tempu aprendizajen ho di’ak. Objetivu mak atu estudante hotu bele utiliza de’it sala sira ne’ebé dignu no seguru ba prosesu aprende.
“Ita labele tau labarik sira-nia moris iha risku laran. Di’ak liu ita fahe tempu hodi uza de’it sala ne’ebé di’ak no seguru, duké husik sira estuda iha eskola tuan ne’ebé bele monu ka bee tama iha tempu udan.” Dehan Ministra Edukasaun iha Resintu Eskola.
Eskola refere eziste Ensinu Pré-Eskolar no Ensinu Basiku Filial 1, 2 Cicolo, iha slala Total 6 no Estudante hamutuk 123, manórin hosi eskola refere hamutuk 6, kompostu husi Manórin Bolsa Kandidatu Na’in 3. Iha vizita ne’e hetan partisipasaun masimu husi estudante no Manórin, inklui Komunidade sira hotu.
#JornalistaAbelJolino
#MédiaME
