Dili, 29 Novembru 2025
Ministériu Edukasaun sai kampiaun ba ba jogu fulsal mane, ne’ebé organiza husi Ministériu Administrasaun Estatal, iha ámbitu komemorasaun tinan 50 Proklamasaun Unilaterál Independénsia Repúblika Demokrátika Timor-Leste, hafoin manan ekipa husi SEFOPE iha jogu finál ho eskor 2-1.
Vitória ne’ebé Ministériu Edukasaun konkista iha jogu futsal mane ne’e, simu Taxa ba primeiru lugar, inklui mós osan ho montante USD 2.000.00 dolar Amerikanu, iha serimónia enseramentu ba atividade feira iha Tasi-Tolu, iha loron 29 fulan novembru.
Iha serimónia enseramentu no simu prémiu ne’e, hetan mós partisipasaun husi, Sua Exelénsia Ministra Edukasaun, Dra. Dulce de Jesus Soares, hodi entrega prémiu ba manan-na’in sira ba kompetisaun sira hanesan futsal ba ekipa feto no mane, kulinária no seluk tán, iha ámbitu komemorasaun tinan 50 Proklamasaun Unilaterál Independénsia Repúblika Demokrátika Timor-Leste.
#MédiaME
