Díli, 09 abril 2026
Sua Exelénsia Embaixadór Japaun nian ba Repúblika Demokrátika Timor-Leste Mr.Yamamoto Yasushi hala’o vizita kortezia ba Sua Exelénsia Ministra Edukasaun Dra.Dulce de Jesus Soares, no iha sorumutu ne’e halo diskusaun kona-ba asuntu lubuk mak relasiona ba setór Edukasaun Timor-Leste.
Hafoin diskusaun, iha entrevista Mr.Yamamoto Yasushi hateten, kontente tebes vizita Sua Exelénsia Ministra hodi diskute kona-ba asuntu lubuk relasiona ho Edukasaun no projetu sira ne’ebé implementa ona liuhosi apoiu Governu Japaun nian no bele rona mós difikuldade sira-ne’ebé parte Edukasaun hasoru no hein katak bele servisu hamutuk.
“Ha’u kontente tebes mai vizita Sua Exelénsia Ministra nia fatin no durante enkontru, ami halo diskusaun di’ak tebes kona-ba asuntu lubuk ida-ne’ebé relasiona ho Edukasaun nian, no ha’u hato’o ba Sua Exelénsia Ministra relasiona ho projetu sira-ne’ebé implementa ona liuhosi suporta finansiamentu Governu Japaun nian, no ha’u mós simu ona informasaun husi Sua Exelénsia Ministra relasiona ho difikuldade sira-ne’ebé husi parte Edukasaun nian hasoru no ha’u hein ba oin ha’u bele servisu hamutuk no besik liután ho Timor-Leste liuliu iha parte Edukasaun nian”, dehan Sua Exelénsia Embaxadór Japaun.
Governante ne’e argumenta, Governu Japaun hala’o ona konstrusaun 50 resin ba eskola sira no haruka foinsa’e Japanés sira hodi ajuda hanorin, liuliu iha matéria Matemátika no Edukasaun Fízika no projetu sira -ne’e sei kontinua nafatin, iha tempu badak mós sei implementa programa apoiu foos ba Merenda Eskolár iha Ministériu Edukasaun liuhosi (WFP) ba eskola 350 ne’ebé lokaliza iha munisípiu Díli, Lautém, Covalima no Aileu ho totál orsamentu 6.000.000 doláres.
Governu Japaun mós oferese bolsu estudu ka (JDS) Japan Development Scholarship ba Timoroan sira hotu iha Ensinu Superiór liuliu iha área mestradu no ba Funsionáriu Públiku sira maibé infelizmente Governu Japaun seidauk iha bolsu estudu ba iha Nível Ensinu Sekundáriu no Governu Japaun iha Timor-Leste konsege haruka ona timor oan hamutuk 140 resin mak bá hala’o estudu iha Japaun.
[PORTU]
MINISTÉRIO DA EDUCAÇÃO RECEBE VISITA DE CORTESIA DO EMBAIXADOR DO JAPÃO
Díli, 9 de abril de 2026 — Sua Excelência o Embaixador do Japão na República Democrática de Timor-Leste, Sr. Yamamoto Yasushi, efetuou uma visita de cortesia a Sua Excelência a Ministra da Educação, Dra. Dulce de Jesus Soares, durante a qual foram abordados diversos assuntos relacionados com o setor da educação em Timor-Leste.
Após o encontro, em declarações à imprensa, o Embaixador manifestou a sua satisfação pela oportunidade de visitar a Ministra e discutir vários temas ligados à educação, bem como apresentar os projetos já implementados com o apoio do Governo do Japão. Destacou ainda a importância de compreender os desafios enfrentados pelo setor educativo e manifestou a sua expectativa de reforçar a cooperação com Timor-Leste.
“Estou muito satisfeito por ter visitado Sua Excelência a Ministra. Durante o encontro, mantivemos uma discussão bastante produtiva sobre várias questões relacionadas com a educação. Tive também a oportunidade de apresentar os projetos financiados pelo Governo do Japão, bem como de tomar conhecimento das dificuldades enfrentadas pelo setor. Espero, no futuro, poder trabalhar de forma mais estreita com Timor-Leste, particularmente na área da educação”, afirmou.
Segundo o diplomata, o Governo do Japão já apoiou a construção de mais de 50 escolas e tem destacado voluntários japoneses para apoiar o ensino, especialmente nas disciplinas de Matemática e Educação Física. Acrescentou que estes projetos terão continuidade.
No curto prazo, está também prevista a implementação de um programa de apoio alimentar para a merenda escolar, em parceria com o Programa Alimentar Mundial (WFP), que abrangerá cerca de 350 escolas localizadas nos municípios de Díli, Lautém, Covalima e Aileu, com um orçamento total de 6 milhões de dólares.
O Governo do Japão disponibiliza igualmente bolsas de estudo no âmbito do programa Japan Development Scholarship (JDS), destinadas a estudantes timorenses do ensino superior, sobretudo ao nível de mestrado, bem como a funcionários públicos. Contudo, não existem atualmente bolsas para o nível do ensino secundário. Até à data, cerca de 140 timorenses já beneficiaram de oportunidades de estudo no Japão.
#EliasdaCosta
#MediaME
\
