Díli, 3 Agostu 2026 – Sekretáriu Estadu ba Enzinu Sekundáriu-Jerál, Ensinu Tékniku-Vokasionál (ESG-ESTV), Sr. Domingos Lopes Lemos, Lic. Ed., MM, partisipa nu'udar inspetór iha Serimónia Isár Bandeira Nasionál ba semana dahuluk fulan Agostu, ne'ebé realiza iha resintu Ministériu Edukasaun, Vila Verde, Díli, Segunda-feira (03/08).
Iha nia intervensaun, Sekretáriu Estadu husu ba dirijente no funsionáriu sira atu aumenta liután sentidu responsabilidade iha servisu, no asegura katak knaar hotu-hotu ne'ebé simu tenke hala'o ho kompromisu atu apoia prosesu aprendizajen iha eskola sira ho di'ak.
Governante ne'e hateten katak eskola no estudante sira mak sai fundamentu ba Ministériu Edukasaun. Tuir nia, se laiha eskola, laiha mós Ministériu Edukasaun.
Tanba ne'e, nia husu ba lideransa no funsionáriu sira atu hala'o sira-nia knaar ho responsabilidade, hametin valór nasionalizmu no patriotizmu, no sai sidadaun di'ak ne'ebé fó kontribuisaun ba dezenvolvimentu nasaun.
Iha oportunidade ne'e, Sekretáriu Estadu mós enfatiza katak lideransa ida-idak tenke iha pensamentu konstrutivu no labele sai lideransa ne'ebé kria konfrontu. Maibé, tenke hamutuk ho objetivu ida de'it atu hadi'a Ministériu Edukasaun no fó kontribuisaun ba futuru di'ak ba Timor-Leste.
Ikusmai, nia hato'o parabéns ba ekipa Diresaun Nasionál Ensinu Báziku tamba konsege prepara estudante sira partisipa iha kompetisaun internasionál no hetan rezultadu di'ak, inklui medalla sira ne'ebé lori naran Timor-Leste ba nivel internasionál, liuliu iha rejiaun Ázia.
Serimónia Isár Bandeira ne'e hetan partisipasaun husi funsionáriu públiku Ministériu Edukasaun, inklui diretór-jerál sira, xefe departamentu sira, no staff administrativu sira hotu ne'ebé partisipa iha kampu serimoniál Ministériu Edukasaun Vila-verde
[PORTU]
MINISTÉRIO DA EDUCAÇÃO REALIZA CERIMÓNIA DO HASTEAR DA BANDEIRA NACIONAL NA PRIMEIRA SEMANA DE AGOSTO DE 2026
Díli, 3 de agosto de 2026 – O Secretário de Estado do Ensino Secundário-Geral e do Ensino Técnico-Vocacional (ESEG-ETV), Domingos Lopes Lemos, Lic. Ed., MM, presidiu, na qualidade de inspetor da cerimónia, ao Hastear da Bandeira Nacional referente à primeira semana do mês de agosto. A cerimónia decorreu na segunda-feira (03/08), no recinto do Ministério da Educação, em Vila Verde, Díli.
Na sua intervenção, o Secretário de Estado apelou aos dirigentes e funcionários para reforçarem o seu sentido de responsabilidade no desempenho das suas funções, sublinhando que todas as tarefas atribuídas devem ser executadas com compromisso e dedicação, de forma a apoiar eficazmente o processo de ensino e aprendizagem nas escolas.
O governante destacou que as escolas e os estudantes constituem o principal fundamento da missão do Ministério da Educação. Segundo afirmou, sem escolas não existiria o próprio Ministério da Educação. Neste sentido, exortou todos os dirigentes e funcionários a desempenharem as suas funções com responsabilidade, fortalecendo os valores do nacionalismo e do patriotismo, e contribuindo como bons cidadãos para o desenvolvimento do país.
Na mesma ocasião, o Secretário de Estado salientou ainda que cada líder deve adotar uma postura construtiva, evitando criar situações de confronto. Defendeu que todos devem trabalhar unidos em torno de um objetivo comum: fortalecer o Ministério da Educação e contribuir para um futuro melhor para Timor-Leste.
No final da sua intervenção, felicitou a equipa da Direção Nacional do Ensino Básico pelo sucesso alcançado na preparação dos estudantes que representaram Timor-Leste em competições internacionais, onde obtiveram excelentes resultados, incluindo a conquista de medalhas que prestigiaram o país no panorama internacional, particularmente na região da Ásia.
A cerimónia contou com a participação dos funcionários públicos do Ministério da Educação, incluindo diretores-gerais, chefes de departamento e pessoal administrativo, que marcaram presença no recinto cerimonial do Ministério da Educação, em Vila Verde, Díli.
#MediaME
