Liquiçá, 12 Janeiru 2026 - Ministériu Edukasaun liuhusi Diretór Nasionál Edukasaun Pre-Eskolár Sr. Domingos Belo Soares ho Diretór Nasionál Sistema Informátika no Teknolojia Sr. Jónio Guterres Rosário hamtuk ho Parseiru Dezenvolvimentu no Autoridade Liquiçá fasilita formasaun kona-ba utilizasaun aplikativu HAAP (HANORIN APRENDE) ba manorin Pre - Eskolár sira iha Munisípiu Liquiçá.
Hafoin abertura formasaun Diretór Nasionál Edukasaun Pre-Eskolár Sr. Domingos Belo Soares ba jornalista sira hatete, Parseiru Dezenvolvimentu Austrália liuhusi Mary Mackillop Today lori programa Education Tecnology ba edukasaun Pre-Eskolár ho nune'e maka servisu hamutuk ho Deresaun Nasionál Edukasaun Pre-Eskolár iha Ministériu Edukasaun hodi fasilita formasaun kona-ba utilizasaun aplikativu Hanorin Aprende ba manorin Pre-Eskolár sira.
"Edukasaun Teknolojia ne'e presiza duni hahú husi edukasaun Pre-Eskolár tanba ninia benefisiu atu ajuda labarik sira hodi haree konteúdu sira ne'ebe relasiona ho prosesu aprendizajen nian" Dehan Diretór.
Enkuantu Diretór Ezekutivu Mary Mackillop Today Sr. Alipio Baltazar argumenta, ohin formasaun iha Munisípiu Liquiçá hanesan espansaun ba aplikasaun hanorin no Aprende (HAAP) ne'ebe hetan ona lansamentu iha loron 18 Agostu tinan 2025 iha Maubara.
" Formasaun ne'e hanesan kompromisu ida husi Ministériu Edukasaun ho Mary Mackillop Today atu promove aprendizajen dijitál liuhusi aplikasaun HAAP, atu nune'e hatoman manorin hanorin estudante sira iha era dijitál nian" tenik Diretór Mary Mackillop Today.
Nune'e iha abertura formasaun ne'e hetan prezensa direta husi, Diretór Nasionál Edukasaun Pre-Eskolár Sr. Domingos Belo Soares, Diretór Nasionál Sistema Informátika no Teknolojia Sr. Jónio Guterres Rosário, Parseiru Dezenvolvimentu no Autoridade lokál sira iha Munisípiu Liquiçá.
[PORTU]
Ministério da Educação facilita formação sobre a utilização da aplicação HAAP (Hanorin Aprende) para educadores do pré-escolar em Liquiça
Liquiçá, 12 de janeiro de 2026 – O Ministério da Educação, através do Diretor Nacional da Educação Pré-Escolar, Sr. Domingos Belo Soares, e do Diretor Nacional do Sistema de Informática e Tecnologia, Sr. Jónio Guterres Rosário, em coordenação com parceiros de desenvolvimento e a Autoridade Municipal de Liquiçá, promoveu uma formação sobre a utilização da aplicação HAAP (Hanorin Aprende) destinada aos educadores do pré-escolar do Município de Liquiça.
Após a abertura da formação, o Diretor Nacional da Educação Pré-Escolar, Domingos Belo Soares, afirmou aos jornalistas que o Parceiro de Desenvolvimento da Austrália, através da organização Mary Mackillop Today, implementa o programa de Tecnologia Educativa no ensino pré-escolar, em colaboração com a Direção Nacional da Educação Pré-Escolar do Ministério da Educação, com o objetivo de facilitar a formação sobre a utilização da aplicação “Hanorin Aprende” junto dos educadores do pré-escolar.
“O uso da tecnologia na educação deve começar desde o pré-escolar, tendo em conta os seus benefícios no apoio às crianças, permitindo-lhes aceder a conteúdos relacionados com o processo de aprendizagem”, afirmou o diretor.
Por sua vez, o Diretor Executivo da Mary Mackillop Today, Sr. Alípio Baltazar, referiu que a formação realizada no Município de Liquiçaá representa uma expansão da implementação da aplicação “Hanorin Aprende”(HAAP), que foi oficialmente lançada no dia 18 de agosto de 2025, em Maubara.
“Esta formação reflete o compromisso do Ministério da Educação e da Mary Mackillop Today em promover a aprendizagem digital através da aplicação HAAP, de modo a apoiar os educadores no ensino aos estudantes na era digital”, acrescentou.
A sessão de abertura da formação contou com a presença do Diretor Nacional da Educação Pré-Escolar, Domingos Belo Soares, do Diretor Nacional do Sistema de Informática e Tecnologia, Jónio Guterres Rosário, bem como de parceiros de desenvolvimento e autoridades locais do município de Liquiça.
#JornalistaElias
#MÉDIAME
