COVALIMA, 18 - NOVEMBRO 2024
Ministériu Edukasaun liuhusi Diretór Nasional Edukasaun Pré-Eskolár (DNEPE) Sr. Domingos Belo Soares hamutuk ho Administradór Postu Fatululik Sr. Elias Da Cruz, Inspetór Pré-Eskolár Sr. Pedro Ximenes, abertura programa intensivu iha Aldeia Macous, Suku Taroman, Postu Administrativu Fatululik munisípiu Covalima no partisipa husi autoridade lokal, inan-aman sira.
Diretór Nasional Edukasaun Pre-Eskolar Sr. Domingos Belo Soares hateten, "programa ida-ne'e, programa IX Governu ninian kona-ba programa intensivu iha VIII Governu konstituisionál dehan katak eskola ba uma depois bolu programa prontidaun, agora mai IX Governu tau kedas programa intensivu entaun programa ida ne'e programa Governu nian, ninia importánsia atu implementa programa ba iha suku no aldeia rurál sira ne'ebé mak dook husi vila, iha nia importánsia ba labarik sira ne'ebé mak tinan lima, atu asesu ba Edukasaun Pré-Eskolar, dehan Diretór DNEPE ne'e iha Postu Fatululik"
“Ohin hau ho ekipa DNEPE mai direita iha sentru Macous hodi hare oinsá mak fasilitadór sira bele ajuda no halimar ho alin ki'ik sira nee, hodi nune'e sira bele aprende numerasia, aprende literasia no koñesimentu sosiál no halimar hamutuk ho kolega sira psikolojikamente forma sira nia mental la moe no la tauk". Tenik Diretór DNEPE.
Iha abertura programa intensivu ne'e, partisipa husi administradór postu Fatululik Sr. Elias Da Cruz, Inspetór Pré-eskolár Sr. Pedro Ximenes, autoridade lokal, nomos inan-aman sira iha Postu Administrativu Fatululik, Suku Taroman, Aldeia Macous.
#MediaME
