Díli – Kinta-Feira, 06 Juñu 2024
Sua Exelénsia Ministra Edukasaun Dra. Dulce de Jesus Soares hala’o enkontru kortezia ho Embaixadór dezignadu ba Nasaun Japaun Sr. Ilídio Ximenes da Costa hodi husu atu bele apoiu formasaun husi governu Japaun iha área infrastrutura no dezenvolvimentu profesionál ba manorin sira.
Iha enkontru ne’e, S.E. Ministra Edukasaun Dra. Dulce de Jesus Soares husi atu fó formasaun ba área dezenvolvimentu profesionál ba manorin no funsionáriu Ministériu Edukasuan nian no mós posibilidade halo kooperasaun hodi apoia área tékniku vokasionál inklui husi ba governu Japaun hodi bele apoiu iha área konstrusaun insfraestrutura eskolár.
“Durante enkontru ne’e kria diálogu ida oinsá bele loke dalan no prepara estudante sira ne’ebé hetan aproveitamentu di’ak liu bele hakat ba ensinu superiór iha área refere. Ministériu sei iha tempu badak aprezenta proposta ba Embaixada Timor-Leste nian iha Japaun liga ho kooperasaun no apoiu iha área oioin ne’ebé presiza”, dehan Ministra Edukasaun.
Embaixadór oferese mós dalan hodi simu pedidu liga ho eskola sira-nia infraestrutura no lojistika, nune’e estudante no profesór sira hetan ambiente ida-ne’ebé agradável bainhira halo sira-nia knaar.
#MédiaME
