Atauru – Loron Domingu, 04 Agustu 2024
Sua Exelénsia Ministra Edukasaun Dra. Dulce de Jesus Soares, hala’o vizita ba Eskola Dominical iha Suku Biqueli, Rejiaun Administrativa Espesiál Atauru hodi akompaña atividade ne’ebé mak estudante sira hala’o ho tema “Dezenvolve Talentu Kreativu Labaril Nian”, iha eskola refere.
Iha vizita ne’e Sua Exelénsia Ministra Edukasaun Dra, Dulce de Jesus Soares, hateten, agradese tebes ba inan-aman, líder komunitária, pastór no ba ema hotu ne’ebé fó tempu, atensaun no fó domin hodi eduka oan-sira.
“Gosta tebes komunidade Atauru, tanba komunidade ida ne’ebé edukativa tebes, hatene respeita malu, moris iha estabilidade, paz, unidade, tanba asaun sira ne’e importante atu oan-sira bele banati tuir, tanba edukasaun la’os matenek de’it, maibé hahalok iha komunidade ne’e mak importante liu”, dehan S.E. Ministra Edukasaun.
#MédiaME
