Dili - Loron Kuarta-Feira, 11/12/ 2024
Sua Exelénsia Sekretáriu Estadu ESG-ESTV, Sr. Domingos Lopes Lemos, hamutuk ho Sua Eminência Cardeal Dom Virgílio do Carmo, SDB. Magnifiku Reitór IFTIL, Amu, Madre, Dosentes, estudantes no partisipantes sira, hodi partisipa lansamentu livru manuál estudante edukasaun morál no relijiaun Katólika ba eskola ensinu sekundáriu 10° ano eskola nian iha, salaun enkontru Institutu Filosofia Timor-Leste (IFTIL) Dom Jaime Fatumeta kuarta-feira ne’e.
Iha diskursu Sua Exelénsia Sekretáriu Estadu Sr. Domingos Lopes Lemos dehan, ho ksolok no satisfasaun bo'ot tebes maka ohin, ita halibur hamutuk hodi selebra momentu signifikativu ida ba CONECTIL nian - lansamentu manuál alunu anuál 10º nian iha Edukasaun Morál no Religiaun Katólika, ne’ebé dezenvolve husi Komisaun Edukasaun Katólika Timor-Leste (CONECTIL).
Manuál ida-ne'e la'ós de'it konjuntu matadalan akadémiku sira. Ida-ne'e reprezenta kompromisu kle'an ida ba kualidade edukasaun no futuru ita-nia joven sira. Edukasaun maka instrumentu ida ne'ebé maka'as ne'ebé bele transforma moris no komunidade sira, no ohin ita halo pasu importante ida ba futuru ida ne'ebé nabilan liu, no promisór liuba ita-nia estudante sira.
Ministeriu Edukasaun hakarak hato'o agradesimentu ba ema hotu ne'ebé envolve iha elaborasaun manuál ida-ne'e. Husi edukadór no peritu sira ne’ebé kontribui sira-nia koñesimentu no esperiénsia, ba estudante no inan-aman sira ne’ebé ho entuziazmu fó apoiu ba prosesu ida-ne’e. Ida ne’e nu’udar serbisu koletivu, rezultadu husi esforsu no dedikasaun husi ema barak ne’ebé komprometidu ba kauza edukasaun nian.
Hodi entrega manuál ida-ne’e ba estudante sira, Ministériu Edukasaun mós entrega fonte koñesimentu ida, matadalan ida ne’ebé sei akompaña sira iha sira-nia viajen akadémika no iha formasaun valór sira-nian. ME espera katak manuál ida-ne’e inspira estudante sira atu dedika sira-nia an ba sira-nia estudu, atu esplora área koñesimentu foun sira, no atu sai sidadaun ne’ebé iha konsiénsia no responsável.
CONECTIL hala’o papél fundamentál iha dezenvolvimentu edukasionál ita-nia rain doben Timor-Leste, no elaborasaun manuál ida-ne’e nu’udar sasin ida kona-ba ninia misaun atu promove edukasaun ho kualidade, bazeia ba prinsípiu étiku no kristaun.
“Governante ne’e mos husu ba estudante sira, ME espera katak ita-bo'ot sira uza manuál ida-ne'e hanesan aliadu ida iha buka koñesimentu. Atu sai fonte inspirasaun no kompañeiru fiel ida iha ita-bo'ot nia deskoberta akadémika sira. Hanoin katak edukasaun maka xave atu loke odamatan no kria oportunidade sira. Aproveita pájina, no lisaun ida-idak, no oportunidade di’ak atu aprende”. Hateten eselénsia Sekretáriu Estadu ESJ-ESTV.
Iha Fatin hanesan, Sua Eminência Cardeal Dom. Virgílioo do Carmo da Silva. SDB, iha nia diskursu hateten ohin igreja Katólika marka tan passu ida ne’ebé signifikativu tamba sa, tamba uma kreda ba dala uluk la'os de’it edukasaun preokupasaun ida igreja universál lokal ninian, maibé, preokupasaun igreja mundiál, no universal ninian. Liu hosi edukasaun igreja hodi eduka, evanjeliza ita hodi eduka, karakter rua ne’e, ita labele haketak husi papél igreja ninian.
“Liu husi Evanjelizasaun no Edukasaun atu lori no forma Timor-oan ida ne’ebé honestu, no kristaun sarani ne’ebé di’ak”. Dehan Amu Cardeal.
#MédiaME.
