Aileu, Sábadu 06 fevereiru 2026
Sua Exelénsia Primeiru-Ministru Kay Rala Xanana Gusmão no akompaña husi Membru Governu Konstitusionál Dasia hala’o inaugurasaun ba Eskola Ensinu Báziku Filiál Siklu 1 no 2 Concin iha Aldeia Concin, Suku Bocolelo Postu Administrativu Laulara Munisípiu Aileu.
Iha intervensaun Sua Exelénsia Primeiru-Ministru Kay Rala Xanana hato’o agradese ba família husi Rudy Kwan ne’ebé ho konxiénsia tomak hakarak atu tulun no partisipa direta iha dezenvolvimentu Timor-Leste nian espesialmente iha área edukasaun nian.
ʺ Prezensa Xefe Governu nian iha serimónia ne’e atu hatudu ba Sr. Rudy Kwan ho família katak, Governu rekoñese tanba konsege halo eskola ida-ne’e. Aleinde ne’e, Rudy Kwan mós halo ona asaun karitativa barak iha territóriu Timor-Leste hanesan harii uma ba maluk vulnerável sira no mós ba inan-faluk sira, oferese mobiliáriu eskola sira, apoia atividade desportu no seluk tan,ˮ Tenik Primeiru-Ministru
Entretantu Sua Exelénsia Ministra Edukasaun Dra. Dulce de Jesus Soares mós hato’o agradesimentu ba família ne’e tanba iha Timór laran tomak foin primeira-vez inaugura eskola ida ne’ebé família ida mak konstroi rasik ho sira-nia hakarak rasik atu oferese ba povu rai ida-ne’e nian.
ʺ Ha’u lori Ministériu Edukasaun nia naran husi nivél nasionál to’o munisípiu hakarak hato’o agradesimentu ua’in ba Ita-Boot sira-nia laran-luak hodi oferese edifisiu eskola ida-ne’e ba populasaun Concinˮ,Deahan Ministra
Ministra mós husu ba profesór sira no alunu sira atu utiliza didi’ak edifísiu ne’e hodi estuda bele sai matenek iha futuru no apela ba autoridade lokál ho inan-aman sira atu hamutuk tau-matan ba edifísiu ne’e hodi bele utiliza ba tempu naruk.
Eskola filiál ne’e konstroi husi família Kwan husi Batam Indonézia no Timor-Leste ho grupu voluntáriu “The Best In Town” durante fulan tolu nia laran no edifísiu ne’e iha sala hamutuk tolu ba alunu sira atu utiliza ba prosesu aprendizazen, iha mós sala ida ba profesór sira kompleta ho fasilidade hanesan sofá, armáriu atu bele rai livru sira, meza ho kadeira, fasilidade sanitária no seluk tan.
[PORTU]
IX GOVERNU KONSTITUSIONÁL INAUGURA ESKOLA EBF CONCIN CONSTRUÍDA PELA FAMÍLIA RUDY KWAN
Aileu, sábado, 6 de fevereiro de 2026 — Sua Excelência o Primeiro-Ministro, Kay Rala Xanana Gusmão, acompanhado por membros do IX Governo Constitucional, presidiu à cerimónia de inauguração da Escola de Ensino Básico Filial dos 1.º e 2.º ciclos de Concin, localizada na Aldeia de Concin, Suco de Bocolelo, Posto Administrativo de Laulara, Município de Aileu.
Na sua intervenção, o Primeiro-Ministro expressou o seu agradecimento à família de Rudy Kwan, que, de forma consciente e voluntária, decidiu contribuir e participar diretamente no desenvolvimento de Timor-Leste, em particular no setor da educação.
“A presença do Chefe do Governo nesta cerimónia visa demonstrar à família de Rudy Kwan que o Governo reconhece o esforço e o mérito pela construção desta escola. Para além disso, Rudy Kwan tem desenvolvido várias ações de cariz humanitário em território timorense, como a construção de habitações para pessoas vulneráveis e viúvas, a oferta de mobiliário escolar, o apoio a atividades desportivas, entre outras”, afirmou o Primeiro-Ministro.
Por sua vez, Sua Excelência a Ministra da Educação, Dra. Dulce de Jesus Soares, manifestou igualmente o seu agradecimento à família, sublinhando que esta é a primeira vez, em Timor-Leste, que uma escola é inaugurada tendo sido integralmente construída por iniciativa própria de uma família, com o objetivo de a oferecer à população.
“Em nome do Ministério da Educação, desde o nível nacional ao municipal, queremos expressar o nosso profundo agradecimento pela generosidade demonstrada ao disponibilizar este edifício escolar à comunidade de Concin”, afirmou a Ministra.
A governante apelou ainda aos professores e alunos para que utilizem o edifício de forma responsável, com vista a alcançar sucesso académico no futuro, e solicitou às autoridades locais e aos pais que, em conjunto, zelem pela conservação da escola, garantindo a sua utilização a longo prazo.
A escola filial foi construída pela família Kwan, oriunda de Batam, Indonésia, e de Timor-Leste, em colaboração com o grupo de voluntários The Best In Town, ao longo de três meses. O edifício dispõe de três salas de aula para o processo de ensino-aprendizagem, bem como de uma sala destinada aos professores, equipada com sofás, armários para arrumação de livros, mesas, cadeiras, instalações sanitárias e outras facilidades de apoio.
Elias da Costa
Média ME
