𝐌𝐄 𝐄𝐍𝐊𝐎𝐍𝐓𝐑𝐔 𝐇𝐎 𝐀𝐃𝐉𝐔𝐍𝐓𝐀 𝐗𝐄𝐅𝐄 𝐂𝐀𝐒𝐀 𝐂𝐈𝐕Í𝐋 𝐇𝐎𝐃𝐈 𝐊𝐎’𝐀𝐋𝐈𝐀 𝐊𝐎𝐍𝐀-𝐁𝐀 𝐏𝐋𝐀𝐍𝐔 𝐀𝐕𝐀𝐋𝐈𝐀𝐒𝐀𝐔𝐍 𝐏𝐏𝐓𝐓𝐋-𝟐𝟒

Dili – Loron Segunda-Feira, 17 marsu 2025

Sua Exelénsia Ministra Edukasaun, Dra. Dulce de Jesus Soares, hala’o enkontru ho Adjunta Xefe Casa Civíl Prezidénsia Repúblika , Sra. Henriqueta Maria da Silva no ekipa, hodi ko’alia kona-ba planu avaliasaun ba Programa Promosaun Turizmu Timor-Leste 2024 (PPTTL-24) liubá, ho kolaborasaun Prezidente Repúblika no Governu Konstitusionál Da-9.

Programa Promosaun Turizmu Timor-Leste 2024 (PPTTL-24) nia okos ho susesu iha komponente ha’at (4) hanesan, komponente Sci-Tech, lidera husi MESSC; komponente arte no kultura (festival Rabilau), lidera husi SEAC; komponente literatura no sinema infantíl, lidera husi Ministériu Edukasaun; no komponente desportu, lidera husi MJDAC.

Objetivu husi avaliasaun ne’e, atu fornese ba Prezidénsia Repúblika , Governu no parte interesada sira ho informasaun ne’ebé sira presiza atu foti desizaun kona-ba dezeñu programa, implementasaun no jestaun, nune’e deskobrimentu husi avaliasaun programa nian ne’e bele uza identifika programa nia forsa no frakeza hodi hatudu responsabilizasaun ba Prezidente Repúblika, Governu no parte interesadu sira.

Ekipa tékniku sekretariadu ne’ebé lidera husi Koordenadora Jerál 2 PPTTL-24, Adjunta Xefe Casa Civil Prezidénsia Repúblika no sei akompaña husi ekipa Tony Blair Institute (TBI) no sei halo enkontru ho membru Governu sira ne’ebé involve iha PPTTL-24 hodi hetan opiniaun jerál iha prespetiva polítika nian ba lala’ok PPTTL-24.

#MédiaME