Manatuto, 27 fevereiru 2026
Governu Konstituisionál Dá-Sia liuhusi Sua Exelénsia Ministra Edukasaun Dra. Dulce de Jesus Soares hato'o komprimisiu ne'e hodi hatán ba preokupasaun komunidade sira bainhira akompaña vizita ofisiál husi Sua Exelénsia Primeiru-Ministru Kay Rala Xanana Gusmão ho membru governu sira iha Salaun Parokia Postu Administrativu Manatuto Vila, sesta-feira ne’e.
Hatán preokupasaun komunidade sira nian kona-ba rezidénsia profesór sira nian maka Sua Exelénsia Ministra Edukasaun Dra.Dulce de Jesus Soares hatete, loos duni, rezidénsia ba profesór sira laiha, maibé simu ona orientasaun husi Sua Exelénsia Primeiru-Ministru atu servisu hamutuk ho Ministériu Administrasaun Estatál no Ministériu Planeamentu Investimentu no Estratéjiku mak agora dadaun halo ona planu no fiar katak tinan oin bele hahú harii rezidénsia ba profesór sira.
Rekorda mós katak, hafoin remata ho sua exelénsia Primeiru Ministru, Sua exelénsia ministra Ministra Edukasaun Dra.Dulce de Jesus Soares vizita ba Eskola Ensinu Báziku Central Santo Antonio Manatuto hodi halo lansamentu ba merenda eskolár ba tinan 2026 nian.
#EliasdaCosta
#MédiaME
