Dili, 15 Marsu 2025
Eskola Ensinu Báziku Filiál 5 Comoro organiza estudante sira hodi realiza atividade Camping Eskuteiru nian hodi prepara estudante sira-nia mentalidade iha komunidade, iha resintu EBF Comoro.
Tuir entrevista ho Koordenadór EBF 5 Comoro Sr. Marcelino Magno hatete, atividade ida ne’e hanesan atividade extra-Kurikular ne’ebé kompleta ho atividade hanesan akampamentu, desportu, arte no Kultura.
“Husi atividade sira ne’e atu hamosu sira-nia disiplina tanba baze husi eskuteiru maka hamosu Espiritu volutarizmu, solidarizmu no respeitu”, Tenik Koordenadór EBF Comoro.
Iha sorin seluk, Vise-Koordenadora Eskola EBF 5 Comoro Sra. Salustina da Costa esplika, durante halo akampamentu asesadu iha eskola ida ne’e maka fó treinamentu ba tali-fukun, baku semafor nomos prepara sira kona-ba ordem unidas.
“ iha atividade ne’e mós hanorin estudante sira atu iha disiplina, nune’e bele muda sira-nia karater tanba ho eskuteiru nia regra atu halo jestaun ba horariu no tempu iha sira-nia moris”, Dehan Vise-Koordenadora.
Enkuantu iha atividade ne’e hetan partisipasaun maksimu husi estudante klase 5 no 6 husi eskola ensinu báziku filial 5 Comoro no atividade ne’e hala’o durante loron rua husi loron 15 to’o 16 fulan Marsu 2025.
#MÉDIAME
