Iha loron 23-26 fulan Marsu, 2026
Delegasaun ida hosi Ministériu Edukasaun partisipa iha formasaun ezekutivu iha Singapura ho títulu “Halo Dezeñu ne’ebé Sei Atinji Dezempeñu Aas: Saida mak halo Sistema Edukasaun ida Prodús Rezultadu Di’ak”. Formasaun ida-ne’e nu’udar parte ida hosi parseria ba tempu naruk entre Ministériu Edukasaun Timor-Leste no Institutu Nasionál Edukasaun, Singapura.
Lidera hosi Sr. Domingos Martins, Prezidente INFORDEPE, delegasaun ne’e bá ho objetivu atu aprende estratéjia espesífiku balu hodi hasa’e kualidade manorin sira nian, liuliu haree ba oinsá bele fornese dezenvolvimentu profisionál ne’ebé realmente bele tulun manorin sira atu hala’o sira-nia knaar ho di’ak liután no ajuda alunu sira atu hetan rezultadu aprendizajen ne’ebé aas.
Bazeia ba ideia katak nasaun nia dezenvolvimentu ekonómiku depende ba ninia sistema edukasaun nia kualidade, no katak manorin mak fuan sistema edukasaun ne’e nian, ekipa esplora estratéjia balu, inklui: 1. Oinsá halo profisaun manorin nian sai atrativu hodi bele atrai kandidatu sira ne’ebé di’ak-liu; 2. Oinsá bele halo prosesu rekrutamentu ida-ne’ebé asegura manorin sira hahú serbisu ho potensiál másimu; 3. Oinsá Ministériu tomak, inklui INFORDEPE, sei serbisu hamutuk hodi asegura manorin sira kontinua hasa’e sira-nia dezempeñu durante sira-nia karreira; 4. Oinsá asegura dirijente eskolár iha kapasidade aas atu jere ninia eskola no apoia ninia manorin sira; 5. Importánsia hosi halo planu di’ak no asaun konkretu ne’ebé sei suporta exelénsia iha área ensinu-aprendizajen; 6. Diresaun ida-idak nia knaar hodi asegura sistema ida-ne’ebé funsiona ho di’ak no halo planu ona ba futuru, 7. Pasu saida mak bele halo hodi hasa’e fali imajen manorin nian nu’udar profisionál dignu no ne’ebé merese respeitu másimu, no 8. Papél importante hosi sistema valór komún sira-ne’ebé mak fundamentál ba manorin ida-idak nia serbisu, inklui Kuadru Kompeténsia Manorin sira-nian, ne’ebé sai baze ida de’it ba rekrutamentu, formasaun, no progresaun iha rejime karreira.
Durante enserramentu, Prezidente INFORDEPE destaka katak iha área edukasaun Timor-Leste buka halo parseria ho Singapura, nu’udar membru ASEAN ne’ebé iha sistema edukasaun di’ak-liu, no mós nasaun ida-ne’ebé foin hahú ukun-an tinan 60 liubá maibé konsege hasa’e sira-nia sistema edukasaun lalais, to’o sai númeru 1 iha mundu. Hodi rekoñese katak IX Governu Konstitusionál fó importánsia aas ba kualidade manorin no eskola sira, no bazeia ba instrusaun implísitu hosi S.E. Ministra Edukasaun, Dulce de Jesus Soares, delegasaun sei ba fali Timor ho rekomendasaun konkretu sira ne’ebé sei uza hodi hadi’ak sistema rekursu umanu, formasaun no kualidade iha eskola ida-idak.
[PORTU]
Delegação do Ministério da Educação participa em formação executiva em Singapura
Entre os dias 23 e 26 de março de 2026, uma delegação do Ministério da Educação de Timor-Leste participou numa formação executiva em Singapura, subordinada ao tema “Conceber para Alto Desempenho: O que torna um sistema educativo eficaz na produção de bons resultados”. A iniciativa insere-se no âmbito de uma parceria de longo prazo entre o Ministério da Educação de Timor-Leste e o Instituto Nacional de Educação de Singapura.
A delegação foi liderada por Domingos Martins, Presidente do INFORDEPE, e teve como principal objetivo a aprendizagem de estratégias específicas para melhorar a qualidade do ensino, com especial enfoque no desenvolvimento profissional contínuo dos professores. Pretende-se, assim, reforçar as competências dos docentes e contribuir para melhores resultados de aprendizagem dos alunos.
Partindo do princípio de que o desenvolvimento económico de um país depende diretamente da qualidade do seu sistema educativo — sendo os professores o seu elemento central — a equipa explorou várias estratégias, nomeadamente: tornar a profissão docente mais atrativa para captar os melhores candidatos; melhorar os processos de recrutamento para garantir o máximo potencial desde o início da carreira; promover o trabalho articulado entre o Ministério e o INFORDEPE para o desenvolvimento contínuo dos docentes; reforçar a liderança escolar; e assegurar um planeamento estratégico eficaz com ações concretas que sustentem a excelência no ensino e aprendizagem.
Foram ainda discutidas medidas para valorizar a imagem da profissão docente, reconhecendo-a como uma carreira digna e merecedora de elevado respeito, bem como a importância de um sistema de valores comuns que sirva de base ao desempenho profissional dos professores, incluindo o quadro de competências docentes como referência para recrutamento, formação e progressão na carreira.
No encerramento, o Presidente do INFORDEPE destacou a relevância da cooperação com Singapura, país membro da ASEAN reconhecido pela excelência do seu sistema educativo. Sublinhou ainda que, apesar de ter alcançado a independência há cerca de seis décadas, Singapura conseguiu desenvolver rapidamente um sistema educativo de referência mundial.
Reconhecendo a prioridade atribuída pelo IX Governo Constitucional à qualidade do ensino e das escolas, e em alinhamento com as orientações da Ministra da Educação, Dulce de Jesus Soares, a delegação regressa a Timor-Leste com um conjunto de recomendações concretas destinadas a reforçar o sistema de recursos humanos, a formação e a qualidade do ensino em todas as escolas do país.
