Dili, 17 Junnu 2022, (Sapientia)-Ministru Edukasaun Juventude no Desportu, Armindo Maia Sexta-feira ne’e simu vizita husi Emcarregado Embaxada Cuba iha Timor Leste iha nia knaar fatin Vila Verde Dili.
Iha okaziaun ne’e, parte rua koalia kona ba kooperasaun entre Cuba ho Timor Leste ne’ebe Timor Leste hetan ninia Restaurasaun independensia iha tinan 2002, Cuba hahu halo relasaun diplomatika ho Timor Leste.
Iha momentu ne’eba, area nebe maka Cuba oferese ba Timor maka combate no minimiza alfabetizasaun iha Timor Leste. No Cuba mos fo Bolsu Estudu ba timor oan ba hasai estudu kona ba Doutor o infermeiru iha Cuba.
Entretantu, enkontru ida ne’e Emcarregadu Cuba hateten Cuba hakarak kontinua programa combate alfabetismo iha Timor Leste. Tanba Timor Leste sei iha taxa alfabetisho númeru boot ne’eduni presiza tau atensaun atu bele alkansa dezenvolvimentu Timor Leste ba future diak liu tan.
Media. Gab. Min. Bosco
