𝐃í𝐥𝐢, 𝟐𝟖 𝐉𝐮𝐥𝐥𝐮 𝟐𝟎𝟐𝟓 - 𝐒𝐮𝐚 𝐄𝐱𝐞𝐥é𝐧𝐬𝐢𝐚 𝐌𝐢𝐧𝐢𝐬𝐭𝐫𝐚 𝐄𝐝𝐮𝐤𝐚𝐬𝐚𝐮𝐧, 𝐃𝐫𝐚. 𝐃𝐮𝐥𝐜𝐞 𝐝𝐞 𝐉𝐞𝐬𝐮𝐬 𝐒𝐨𝐚𝐫𝐞𝐬, 𝐡𝐚𝐥𝐨 𝐥𝐚𝐧𝐬𝐚𝐦𝐞𝐧𝐭𝐮 𝐨𝐟𝐢𝐬𝐢á𝐥 𝐛𝐚 𝐚𝐭𝐢𝐯𝐢𝐝𝐚𝐝𝐞 𝐉𝐚𝐦𝐛𝐨𝐫𝐞𝐞 𝐄𝐬𝐤𝐮𝐭𝐞𝐢𝐫𝐮 𝐌𝐮𝐧𝐢𝐬í𝐩𝐢𝐮 𝐃í𝐥𝐢 𝐧𝐞’𝐞𝐛é 𝐨𝐫𝐠𝐚𝐧𝐢𝐳𝐚 𝐡𝐮𝐬𝐢 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐧𝐢𝐚𝐮𝐧 𝐍𝐚𝐬𝐢𝐨𝐧á𝐥 𝐄𝐬𝐤𝐮𝐭𝐞𝐢𝐫𝐮 𝐓𝐢𝐦𝐨𝐫-𝐋𝐞𝐬𝐭𝐞 (𝐔𝐍𝐄-𝐓𝐋), 𝐡𝐨 𝐨𝐛𝐣𝐞𝐭𝐢𝐯𝐮 𝐚𝐭𝐮 𝐟𝐨𝐫𝐦𝐚 𝐥𝐚𝐛𝐚𝐫𝐢𝐤 𝐧𝐨 𝐣𝐨𝐯𝐞𝐧 𝐬𝐢𝐫𝐚 𝐡𝐨𝐝𝐢 𝐤𝐨𝐧𝐭𝐫𝐢𝐛𝐮𝐢 𝐛𝐚 𝐝𝐚𝐦𝐞, 𝐢𝐧𝐤𝐥𝐮𝐳𝐚𝐮𝐧 𝐧𝐨 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐬𝐮𝐬𝐭𝐞𝐧𝐭á𝐯𝐞𝐥 𝐛𝐚 𝐤𝐨𝐦𝐮𝐧𝐢𝐝𝐚𝐝𝐞. 𝐒𝐞𝐫𝐢𝐦ó𝐧𝐢𝐚 𝐥𝐚𝐧𝐬𝐚𝐦𝐞𝐧𝐭𝐮 𝐧𝐞’𝐞, 𝐫𝐞𝐚𝐥𝐢𝐳𝐚 𝐢𝐡𝐚 𝐒𝐞𝐧𝐭𝐫𝐮 𝐚𝐭𝐢𝐯𝐢𝐝𝐚𝐝𝐞 𝐔𝐍𝐄-𝐓𝐋 𝐖𝐞𝐧𝐮𝐧𝐮𝐤 𝐌𝐞𝐭𝐢𝐧𝐚𝐫𝐮.
Iha Diskursu, Sua Exelénsia Ministra Edukasaun, Dra. Dulce de Jesus Soares, hateten, Eskuteiru sai parte integrante edukasaun nian iha Timor-Leste, nu’udar atividade Estrakurrikulár iha Eskola Públika sira iha territóriu tomak no iha nasaun balun Eskuteiru sai nu’udar Eskola moris nian ba labarik no Joven sira hamutuk Millaun resin, hodi kontribui ba dame inkluzaun no Komunidade nia dezenvolvimentu substentável.
“Ho onra no ksolok boot, ha’u marka prezensa iha Jamboree Munisípiu Díli, ida-ne’e hanesan momentu istóriku ida ba ita hotu no sei grava iha ita-nia memória. Ita halibur iha ne’e la’ós atu selebra inísiu adventura Juveníl boot ida de’it, maibé atu afirma ho firmeza kompromisu ida”, dehan S.E. Ministra Edukasaun.
Governante ne’e akresenta, movimentu Eskuteiru ne’ebé harii iha tinan atus ida liu-ba husi Lord Baden-Powell, moris ho objetivu simples, maibé transformativu atu dezenvolve sidadaun sira ne’ebé iha konsiénsia, responsável no kompaixaun, Eskuteiru nia fiar iha edukasaun, liuhusi ezemplu respeitu ba natureza servisu ba ema seluk ho harii karakter voluntáriu, valór universál sira, ne’ebé aliña perfeitamente ho prinsípiu sira husi konstituisaun no vizaun ba timoroan no foinsa’e sira.
Serimónia lansamentu ofisiál ba atividade Jamboree Eskuteiru ne’e, akompaña husi, “Chefe Casa Militar”, Majór Francisco da Silva, Prezidente UNE-TL, Sr. António da Luz, inklui Dirijente sira husi Ministériu Edukasaun.
#jornalistaabeljolino
#ortografiajoanicodejesus
#traduçãojoãoamaral
#MédiaME
