Díli – Loron Kinta-Feira 18 jullu 2024
Ministériu Edukasaun liuhusi Prezidente Juri ba teste eletróniku bolsa kandidatu, Sra. Anita Tavares de Jesus akompaña husi dirijente sira seluk, fó sai rezultadu teste bolsa kandidatu ba manorin iha faze daruak, iha Salaun Konferénsia Ministériu Edukasaun, Vila-Verde.
Iha konferénsia ne’e, Prezidente Juri, Sra. Anita Tavares de Jesus hateten, aplikante sira ne’ebé halo aplikasaun ba iha bolsa kandidatu hamutuk na’in 7,565, kompostu husi feto 4,575 no mane hamutuk 2,990.
“Husi totál aplikante iha leten, kandidatu sira ne’ebé partisipa iha teste ne’e hamutuk na’in 6,547, kompostu husi feto hamutuk na’in 4,010 no mane hamutuk 2,537, husi …
[16:06, 7/24/2024] Mateus da Costa: ME HO CEPAD INTEGRA MATÉRIA ANTI-KORRUPSAUN IHA KURRÍKULU SIKLU DATOLUK NIAN
Díli – Loron Kinta-Feira 18 jullu 2024
Sua Exelénsia Ministra Edukasaun Dra. Dulce de Jesus Soares, hala’o enkontru ho Diretór Ezekutivu Sentru Estudu ba Paz no Dezenvolvimentu (CEPAD) Sr. João Boavida hodi atualiza kona-ba akordu entre Ministériu Edukasaun no CEPAD, atu integra matéria anti-korrupsaun iha kurríkulu nasionál ba siklu datoluk nian. Enkontru ne’e hala’o iha sala VIP, ME, Vila-Verde.
Iha entrevista, Diretór Ezekutivu CEPAD, Sr. João Boavida hateten, audiénsia ne’ebé ohin hala’o ho Exelénsia Ministra Edukasaun, atu atualiza de’it kona-ba akordu ne’ebé CEPAD no Ministériu Edukasaun atu integra matérial anti-korrupsaun iha kurríkulu nasionál ba siklu datoluk nian.
“Foku importante entre SEPAD ho Ministériu Edukasaun mak oinsá bele inklui ka integra ona matéria anti-korrupsaun iha kurríkulu nasionál, fiar katak daudaun ne’e sujere hela, atu bele haki’ak hela valór di’ak iha alin oan-sira, bainhira ho otas nurak hodi bele la’o ba oin”, dehan Diretór Ezekutivu CEPAD.
Dirijente ne’e hatutan, planu mak agora hala’o enkontru regulár ho ekipa Ministériu Edukasaun nian ne’ebé responsavel direta ba revizaun kurríkulu nasionál ba terseiru siklu, atu servisu hamutuk ho ekipa tékniku husi CEPAD nian.
#jornalistaluis
#MédiaME
