Oe-cusse 04-08-2024
Sekretáriu Estadu ESJ-ESTV, Sr. Domingos Lopes Lemos akompaña husi Diretór Jerál Ensinu Sekundáriu, Sr.Benjamin Fernandes partisipa serimónia enseramentu jogu amizade Ensinu Báziku iha Eskola ESTV Palaban Domingo ne'e.
Iha intervensaun, Sua Exelénsia Sekretáriu Estadu ESJ-ESTV, Sr. Domingos Lopes Lemos hateten, programa ne'ebé Ministériu Edukasaun halo liuhusi planu asaun sosiál nian ne'e halai liu ba desportu eskolár, tinan- tinan ita halo iha munisípiu sira, tinan ida ne'e espesiál liu iha RAEOA, no hetan partisipasaun husi eskola sira.
"Programa Ministériu Edukasaun liuhusi planu asaun sosiál ne'e importante tebes hodi kria lasu amizade ba eskola sira iha territóriu Timór-laran, no profesór sira-nia apoiu importante tebes hodi estudante sira bele partisipa atividade ne'e ho di'ak.Dehan Sekretáriu Estadu ESJ-ESTV, Sr.Domingos Lopes Lemos.
Governante ne'e apela ba Ensinu Sekundáriu Jerál no Ensinu Sekundáriu Tékniku Vokasionál sira keta lakon vontade karik kompetisaun jogu ne'e halo de'it ba Ensinu Báziku. Tanba Planu Ministériu Edukasaun nian sei realiza kompetisaun sertamen nível nasionál ba Ensinu Sekundáriu Jerál no Ensinu Tékniku Vokasionál Iha fulan Agostu hodi komemora loron Konsulta Populár.
Hafoin remata tiha serimónia Sua Exelénsia ho Ekipa hala'o vizita bá Eskola Sekundária Jerál Públika Palaban hodi harre direta Eskola refere.
#MédiaME.
JornalistaErik.
