Díli, 24-10-2024
Sua Exelénsia Sekretáriu Estadu ESJ-ESTV Sr. Domingos Lopes Lemos, hamutuk ho Diretór Jerál Ensinu Sekundáriu Sr. Deolindo da Cruz, Diretór Nasionál Ensinu Sekundáriu Jerál Sr. Benjamin Fernandes, Diretór Nasionál Ensinu Sekundáriu Tékniku Vokasionál Sr. Fernando Moujinho Gama, no Xefe Ezekutivu Gabinete Sekretáriu Estadu ESJ-ESTV Sr. Marcelino de Deus Maia hala'o enkontru ho Universitas Veteran Jogyakarta iha Salaun VIP Ministériu Eduksaun Kinta-feira ne'e.
Iha intervista Sua Exelénsia Sekretáriu Estadu ESJ-ESTV hateten objetivu husi enkontru ne'e hodi ko'alia liuliu kona-ba prosesu ne’ebé maka Universitas Veteran Jogyakarta nian iha ne'e.
Tanbá ne'e maka ohin ami ko'alia ona ho Universitas Veteran Jogyakarta, no tuirmai sei halo diskusaun klean liu kona-ba estudante Timoroan sira atu halo negosiasaun ho Universitas Veteran Jogyakarta atu halo koperasaun liuliu iha área Eduksaun nian.
Governante ne'e mós reafirma tan katak fazeadamente loke dalan ba estundate Timoroan sira hodi ba estudu iha Universitas Veteran Jogyakarta.
Iha fatin hanesan Reitor Universidade Veteranu Jogyakarta Prof. Dr. Mohamad Irhas Effendi, MSI. hateten sorumuto ne’e atu hodi koalia kona-bá kooperasaun entre nasaun Timor-Leste ho Indonézia liuliu iha area edukasaun hodi hasa'e koñesimentu rekursu naturais ba iha pontensial sira maka iha Timor Leste ninian maka hanesan Mina no Gas.
No buat seluk sira ne’ebé maka, minerasaun no karvaun, sorumuto ida ohin Universitas Veteran Jogyakarta hakarak fó subsídiu ba Timoroan sira ne'ebé maka hakarak kontinua sira nia estudu iha Indonézia ho nune’e Universidade Veteran Jogyakarta hakarak simu estudante Timoroan ba estudu iha universidade refere.
#MediaME
