Ainaro, 11/03/2024, Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál liu husi Diretór Jerál Ensinu Sekundáriu Sr. Deolindo da Cruz, Diretór Nasionál Ensinu Sekundáriu Tékniku Vokasionál, Sr. Fernando M. Gama, Distribu Komputadór Unidade 33, Projetór ida, no Printer ida ba Eskola Ensinu Sekundáriu Tékniku Vokasionál Maulau segunda-feira semana ne'e. Iha ámbitu distribuisaun ekipamentu, Diretór ESTV Maulau Sr. Junior M. de Araújo, hateten ho laran ksolok no kontente basa husi laran luak sira ne'ebé mai husi sua exelénsia sira bele hakat mai to'o iha ami nia eskola Maulau. "Ami hakarak hato'o ami-nia profundu orgulho tebes ho Ita-Bo'ot sira-nia prezensa ne'ebé mak furak iha ida ne'e". Diretór ne'e iha-nia diskursu hatete, hanesan lideransa ba eskola hamutuk ho komunidade inan aman sira no oan estudante sira, hato'o ami-nia agradese tanba Ita-Bo'ot sira la'o la mamuk, katak; ami bele hetan no simu bukae ruma hodi implementa rekursu ida ne'ebé, iha bairu-nia laran ne'e, bele buras no matak ba nafatain", dehan Diretór eskola. Iha fatin hanesan, Diretór Jerál Ensinu Sekundáriu, Sr. Deolindo da Cruz, ami mai ho objetivu atu vizita, observa no haree direta eskola refere, fatin ne'e furak wainhira ita hateke husi do'ok. "Ohin ami mai reprezenta sua exelénsia Sekretáriu Estadu atu hodi distribui ekipamentu sira ne'ebé mak ami lori mai mak hanesan; komputadór unidade 33, Projetór ida, Printer ida oforese ba eskola ESTV Maulau".
Aléinde ida ne'e Diretór Jerál Ministériu Edukasaun Ensinu Sekundáriu Jerál no Ensinu Sekundáriu Tékniku Vokasionál hateten katak; Ministériu Edukasaun iha Governu da IX Konstitusionál Polítika Ministériu Edukasaun iha mudansa ho Governu anteriór katak, própio Secretário Estado ida ne'ebé nomea hodi tau matan ba Eskola Ensinu Sekundáriu Jerál no Eskola Ensinu Sekundáriu Tékniku Vokasionál ne'ebé diferente ho Governu dahuluk.
Totál ita-nia Eskola Ensinu Sekundáriu Públiku, Privadu, hamutuk; 113. Mai fali iha Eskola Ensinu Sekundáriu Tékniku Vokasionál hamutuk; 50. Husi ne'e eskola ensinu tékniku vokasionál Públika hamutuk; 31. Husi polítika Governu ninian atu hasa'e kualidade Edukasaun husi nível hotu-hotu nível pré-eskolár to'o nível Ensinu Sekundáriu, husi ejijénsia merkadu traballu presiza tebes rekursu ne'ebé mak kualidade, liuliu ba alin sira ne'ebé mak estuda iha Téknika Vokasionál, ninia liafuan ka palavra xave ne'e mak; Tékniku Profisionál. Dehan Diretór Jerál. Eskola Ensinu Sekundáriu Tékniku Vokasionál Maulau, Estudante hamutuk na'in 101. Sala VI, ho Sala aprendizajen hamutuk IV. Totál Profesór na'in 8. Priokupasaun balun mós menus Profesór ba matéria produtivu, no menus livru atu hanorin, bee moos laiha, murru protesaun laiha.
