RAEOA – Loron Sábadu, 11 Janeiru 2025
Sua Exelénsia Ministra Edukasaun Dra. Dulce de Jesus Soares, hamutuk ho Dirijente sira Ministériu Edukasaun nian no RAEOA inklui manorin no Estudante sira hodi partisipa iha misa agradesimentu tinan letivu 2025, iha Parókia Nossa Senhora do Rosário Nunbei, Rejiaun Administrativu Espesiál Oecusse Ambeno (RAEOA).
Iha homília, Amu Selebrante, Pe. Júlio do Carmo, hateten, eperánsa ba tinan foun ne’ebé ema hotu dezeja, mak lori ksolok no susesu ba ema hotu, tanba ne’e ho tinan foun ida ne’e ho misa agradesimentu, molok hahú prosesu aprendizajen iha eskola idak-idak.
“Misa agradesimentu ne’e hodi harohan no husu tulun ba Maromakatu akompaña nafatin ita iha prosesu kresimentu ita ema nian, liuliu ba inan-aman sira, ne’ebé sai hanesan edukadór dahuluk iha uma no sunu ema sira ne’ebé simu knaar, atu koopera ho inan-aman sira ba prosesu edukasaun oan sira nian, atu iha futuru bele sai esperánsa ba nasaun”, dehan Amu Selebrante.
Amu selebrante ne’e hatutan, ida ne’ebé atu tulun oan sira-nia dezenvolvimentu ho di’ak liu mak inan-aman sira, tanba inan-aman sira mak hamutuk ho ona sira tempu barak liu. Eskola bele halo regra, maibé inan-aman mós tenki halo regra, se lae telnolojia sira ne’ebé uza, la utiliza ho di’ak, karik inan-aman hadomi oan-nia futuru, tenki ko’alia nafatin ba sira no akompaña nafatin sira nia atividade hotu.
#MédiaME
#jornalistaluis
