Dili, loron 17 fulan Janeiro tinan 2024- Sua Exelénsia Ministru Edukasaun Interinu Sr. Domingos Lopes Lemos inaugura kampu multifunsaun no uma merenda eskolar iha eskola Bázika Centrál Farol, sesta-feira ne’e.
Iha intervensaun Sua Exelénsia Ministru Edukasaun Interinu Sr.Domingos Lopes Lemos hateten, Ministériu Edukasaun halo parseiru barak, ohin loron inaugura tan kampu multifunsaun no uma merenda eskolar ne'ebé apoiu husi kompañia Eto no uma merenda eskolar ne’e husi PNDS.
"agradese ba parseria sira nia laran luak nafatin apoiu eskola sira, husu eskola atu utiliza kampu multifunsaun no uma merenda eskolar ne’e ho di'ak atu nune'e bele utiliza iha tempu naruk," dehan Governante ne'e.
Fatin hanesan Diretóra Brizída Faustina Soares Guterres agradese ba kompañia Eto no PNDS Dili nian ne'ebé fó ona apoiu Kampu multifunsaun no uma merenda eskolar ba eskola refere.
"Ami sei utiliza didi'ak sasan sira ne’ebé fó ona mai ami, nune’e uza iha tempu naruk nia laran".
Inaugura kampu multifunsaun no uma merenda eskolar ne’e partisipa mós husi Autoridade lokál, Diretór Edukasaun Munisípiu Dili, na'in ba kompañia Eto, representante husi Diretór PNDS Munisípiu Díli, Profesór no estudante husi EBC Farol nian.
#MédiaME
